گه‌ڕان

Shadow Shadow
سیاسه‌تی

وردەکاریى

ئەدهەم بارزانى پەیامێکى بڵاوکردەوە ’دەگەڕێمەوە’

2021.06.18 - 10:19
App store icon Play store icon Play store icon
ئەدهەم بارزانى پەیامێکى بڵاوکردەوە ’دەگەڕێمەوە’

ناس کورد-

ئەدهەم بارزانى سەرۆکى پێشووى ئەنجومەنى سەرکردایەتى پارتى لە سلێمانى پەیامێکى بڵاوکردەوە و تیایدا ئاماژە بە گەڕانەوەى بۆ کوردستان دەکات.

 

کەناڵی ناس کورد لە تێلیگرام جۆین بکە   

 

ئەدهەم بارزانى (18ى حوزەیرانى 2021) لە پەیامێکدا ئاماژەى بەوە کردووە کە لە ماوەیەکى کەمدا بەرەو کوردستان دەگەڕێتەوە.

 

لەبەشێکى پەیامەکەیدا ئەدهەم بارزانى رونیدەکاتەوە بۆ سەفەر و هەندێک چارەسەرى پزیشکى چۆتە دەرەوەى کوردستان و لەئێستادا دۆخى تەندروستى باشە و جەخت دەکاتەوە "بەرەو وڵات و خاکی پیرۆزی نیشتیمان  لە ماوەیەکی کەم دا دەگەڕێمەوە" .

 

هاوکات رونیدەکاتەوە کە هیچ گۆڕانکارییەک بەسەر هەڵوێستەکانى لەبارەى (داگیرکارى) کوردستان ڕووى نەداوە و هەڵوێستەکانى هەر خۆى ماوە.

 

دەقى پەیامەکە:

 

خوشکان و برایانی بەهاگران

سلاو و حوورمەتی بێ پایان

 

دوای ئەوەی بە مەبەستی  سەفەر و ھندێک چارەسەری پزیشکی بۆ ماوەیەک لەدەرەوەی کوردستان بووم .

 

ئێستا بە لوتفی پەروەردگاری مەزن باشم  بەرەو وڵات و خاکی پیرۆزی نیشتیمان  لە ماوەیەکی کەم دا دەگەڕێمەوە .

 

ئەو سەفەرە، لە راگەیاندنی کوردستان و دەرەوەشدا ،کۆمەڵێک دەنگۆی زۆر و راو بۆچوونی جۆراوجۆر و جیاوازی لێکەوتەوە،  بە ھۆی ھەلوێستەکانم لە مەڕ داگیر کردنی   خاکی کوردستانی ولاتمان ، ئێستاش ئێوەی خۆشەویست دڵنیا دەکەمەوە، کە کوردستان وارگەی پیرۆزی منە و تەنانەت مردنیش من  و  وڵات لەیەک دوور ناخاتەوە .

 

ئەوەی من باسم لێکردووە  و ھەلوێست وبۆچونەکانم گۆانکاریەکیان بە سەر دا نە ھاتووە و ئەوەی داکۆکی لێ دەکەمەوە ئەوەیە، کە لای من پرسی پارێزگاری لە نیشتیمان و هەلوێستی دژە داگیرکاری، بڕیاری  هەمیشەیین  و من بەردەوام لەسەر ئەو هەڵوێستە دەمێنمەوە و هەرگیز لەو هەڵوێستە نشتیمانیانە پاشەکشە ناکەم .

 

بێ ئەندازە سوپاسگوزاری و پێزانینم بۆ نیگەرانی و لێپرسینەکانتان هەیە لە ھەموو بەشەکانی کوردستان بە گشتی و لە ھەندەران بە تایبەتی  کە لەو ماوەیەدا بۆ برای خۆتان هەتانبووە و ھەمیشە  لە رێزەکانی  پێشەوەی خزمەتکردن و خزمەتکاری ئێوەی ئازیزدام لە ھەر شۆێنێک بم.

 براتان

ئەدهەم بارزانی

١٨-٦-٢٠٢١