گه‌ڕان

Shadow Shadow
سیاسه‌تی

زانیاریی زیاتر

شێخ نەهرۆ لەبارەی هەڵبژاردنەكەی ئێران داوایەك لە دەروێشەكانی دەكات

2021.06.17 - 21:33
App store icon Play store icon Play store icon
شێخ نەهرۆ لەبارەی هەڵبژاردنەكەی ئێران داوایەك لە دەروێشەكانی دەكات

ناس کورد-

شێخ نەهرۆ کەسنەزانی،  رابەری تەریقەتی کەسنەزانی داوا لە دەروێشەکانی ئێرانی دەکات دەنگبدەن بە ئیبراهیم رەئیسی بۆ پۆستی سەرۆک کۆماری ئێران.

کەناڵی ناس کورد لە تێلیگرام جۆین بکە   

 

شێخ نەهرۆ کەسنەزانی لە تازەترین دەرکەوتنی و لە پەیامێکی ڤیدیۆییدا (پێنجشەممە 17ی حوزەیرانی 2021) داوای لە دەروێش و خەلیفەکانی تەریقەتەکەی لە ئێران کرد، دەنگبدەن بە ئیبراهیم ڕەئیسی، کاندیدی سەرۆکایەتی کۆماری ئیسلامیی ئێران.

 

لە پەیامەکەدا دەشڵێت "ڕەئیسی ئەو کەسەیە کە دەتوانێت خزمەت بە سەرجەم گەلی ئێران بکات بە هەموو ڕەنگەکانەوە." 

 

پشتگیرییەکەی شێخ نەهرۆ بۆ ئیبراهیم ڕەئیسی، کاندیدی سەرۆک کۆماری ئێران لەکاتێکدایە لە ماوەی رابردوو سەبارەت بە هەڵبژاردنەکانی عیراق ڕایگەیاند، "پشتگیری هیچ لایەنێک ناکەم و ئێمە پشتگیری ئەو لایەنە دەکەین کە میللەتەکەمان هەڵیدەبژیرێت."

 

پێشتر نوسینگەی مەرجەعی باڵای شیعەی عێراق لە شآری قوم، ئەوەی بڵاوکردەوە کە عەلی سیستانی پشتیوانی هیچ یەکێک كاندیدانی سەرۆكایەتی ئێران ناكات.

 

بڕیارە سبەینێ هەینی 18ی حوزەیرانی 2021، سیانزەهەمین خولی هەڵبژاردنی سەرۆک کۆماری ئێران بەڕێوەبچێت و پێنج کاندید ڕکابەری دەکەن.