گه‌ڕان

Shadow Shadow
سیاسه‌تی

وردەکاریی ڕووداوەکە

قاچاخچییەک 12 کۆچبەری عێراقی لەنێو قەنەفەدا دەشارێتەوە

2021.06.17 - 20:58
App store icon Play store icon Play store icon
قاچاخچییەک 12 کۆچبەری عێراقی لەنێو قەنەفەدا دەشارێتەوە

ناس کورد-

پیاوێکی ئێرانی بە تۆمەتی شاردنەوەی 12 کۆچبەری عێراقی لە نێو قەنەفە و کەلوپەلی ناوماڵدا دەستگیرکرا.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا دەزگای لوتکە بۆ کاروباری پەنابەران (پێنجشەممە 17ی حوزەیرانی 2021) ڕایگەیاند، قاچاخچییەکی ئێرانی بە ناوی "ئارمان یوسف ڕەحمانی" تەمەن 21 ساڵ بەنیاز بووە لە فەرەنسا و بەلجیکاوە 12 کۆچبەر بپەڕێنێتەوە بەریتانیا و لەناو قەنەفە و کەلوپەلی ناو ماڵدا شاردوونیەتییەوە.

 

ئاماژەی بەوەشکردووە، لە کاتی گەیشتنیاندا بۆ سنوری بەریتانیا ئەفسەرانی هێزی سەرسنوری بەریتانیا کارەکەیان ئاشکرا کرد و 12 کۆچبەرە عێراقییەکەیان دۆزییەوە کە خوار تەمەنی 18 ساڵیشن.

 

ئەوەش هاتووە، " پاش ساغ بوونەوەی تاوانەکە بەسەریدا بڕیاردرا کە سزای سێ ساڵ زیندانی بەسەر ئەو قاچاخچییە ئێرانییەدا بسەپێنرێت و دوای تەواوکردنی سزاکەشی ڕەوانەی وڵاتەکەی دەکرێتەوە.

 

کریس فیڵیپ، وەزیری یاسا و بڕیاردانی کۆچی بەریتانیا ڕایگەیاندووە، "وەک پەنابەرێک ڕەحمانی بێڕێزی بە یاسای بەریتانیا کردووە لە کاتێکدا بەریتانیا ئارامی و پاراستنی بە ڕەحمانی بەخشیوە."