گه‌ڕان

Shadow Shadow
سیاسه‌تی

تەندروستى هەولێر لەسەر گیان لەدەستدانى هێلین بە’’ حەبى قەڵەوى’’ رونکردنەوە دەدات

2021.06.17 - 17:34
App store icon Play store icon Play store icon
تەندروستى هەولێر لەسەر گیان لەدەستدانى هێلین بە’’ حەبى قەڵەوى’’ رونکردنەوە دەدات

ناس کورد-

 

تەندروستى هەولێر رایگەیاند، هەوڵەکانیان بەردەوامە بۆ دەرکەوتنى هۆکارى گیان لەدەستدانى کچە 19 ساڵانەکە بەهۆى خواردنى حەبەوە و لەهەر ئەگەرێک سەرپێچیکاران رووبەرووی یاسا دەکرێنەوە.

کەناڵی ناس کورد لە تێلیگرام جۆین بکە   

 

تەندروستى هەولێر ئەمڕۆ پێنج شەممە لە رونکردنەوەیەکدا کە دەست "ناس کورد" کەوتووە ئاماژەى بەوەکردووە، باس لەوە دەکرێت کە هۆکاری گیانلەدەستدانی ئەو کچە، بەکارهێنانی چەند دەرمانێك بێت لە رێگای چەند سایتێکی ئۆنلاینەوە کڕدراوە.

 

دەشڵێت "تیمی پشکنین و بەدواداچوونی بەڕێوەبەرایەتیمان هەر لە سەرەتای بڵاوبوونەوەی ئەم هەواڵە دەستی بە بەدواداچوون و لێکۆڵینەوە کردووە و هەوڵەکان بەردەوامن بۆ دەرکەوتنی هۆکاری زانستی ئەم گیانسپاردنە و لەهەر ئەگەرێک سەرپێچیکاران رووبەرووی یاسا دەکرێنەوە".

 

ئەمڕۆ پێنج شەممە گیان لەدەستدانى کچێک بەناوى هێلین ئەحمەد تەمەن 19 ساڵان خوێندکارى قۆناغى سێیەمى پەیمانگاى رۆیاڵى ناحکومى بڵاوبووەوە و هۆکارەکەى بۆ خواردنى حەبی قەڵەوى گەڕێنرایەوە.