گه‌ڕان

Shadow Shadow
سیاسه‌تی

قسەی زیاتر..

مەحمود سەنگاوی: نە یەکێتی و نە پارتی حورمەتیان نەگرتین

2021.06.17 - 17:33
App store icon Play store icon Play store icon
مەحمود سەنگاوی: نە یەکێتی و نە پارتی حورمەتیان نەگرتین

ناس کورد-

مەحمود سەنگاوی، لێپرسراوی میحوەری گەرمەسێری هێزەکانی پێشمەرگە پەیامێکی ئاڕاستەی هەردوو بنەماڵەی تاڵەبانی و بارزانی کرد و ڕایگەیاند، پێیان وانەبێت، بەتەنها دەتوانن هەمووشتێک بکەن، دەشڵێت، نە یەکێتی و نە پارتی حورمەتیان نەگرتوون.

کەناڵی ناس کورد لە تێلیگرام جۆین بکە   

 

مەحمود سەنگاوی لەکاتی کۆبوونەوەی لەگەڵ ژمارەیەک لە سەرۆک عەشیرەت و کەسایەتییەکانی هۆزی جاف-دا وتارێکی پێشکەشکرد و رایگه‌یاند، "لێتان ناشارمەوە نە لە ناو یەکێتیدا حورمەتی تەواومان هەیە، نە لەناو پارتی و نە لە ناو لایەنەکانی دیکەدا، لەبەرئەوەی بەهەرزان خۆمان فرۆشتووە پێیان و بە پارەیەکی کەم ئێمەیان کڕیوە."

 

ئاماژەی بەوەشکرد، "ئەو پارانەشی کە ئێمەیان پێ کڕیوە مانگانە 300 بۆ 400 هەزارێکە و هی خۆشیان نییە و هی خەڵک خۆیەتی."

 

مەحمود سەنگاوی باسی لەوەشکرد، "با هەردوو بنەماڵەی بارزانی و ماڵی مام جەلالیش ئەوە بزانن کە پێیان وانەبێت بە تەنها خۆیان دەتوانن هەموو شتێک بکەن، نەخێر بەبێ ئێمە ناتوانن بیکەن.

 

سەنگاوی جەختیشیکردەوە، "ڕاستە پەکەکە عەزێتمان دەدات، بەڵام ئەوانیش هەر کوڕی ئێمەن و هیوادارین حزبەکانی خۆمان چیتر شەڕی ناوخۆمان پێنەکەن."