گه‌ڕان

Shadow Shadow
سیاسه‌تی

وردەکاریی

بەڤیدیۆ؛ ئاسایشی سلێمانی وردەکاریی کوشتن و سوتاندنی ژنێکی بڵاوکردەوە

2021.06.17 - 16:33
App store icon Play store icon Play store icon
بەڤیدیۆ؛ ئاسایشی سلێمانی وردەکاریی کوشتن و سوتاندنی ژنێکی بڵاوکردەوە

ناس کورد-

بەڕێوەبەرایەتی ئاسایشی سلێمانی وردەکاری ڕووداوی کوشتن و سوتاندنی ژنێکی ئاشکرا کرد و هاوکات ڤیدیۆی تۆمەتبارانیشی بڵاوکردەوە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی ئاسایشی سلێمانی (پێنجشەممە 17ی حوزەیرانی 2021) ڕایگەیاند، "بە لەڕۆژی 10ی حوزەیران ئاگادار کراینەوە بە بونی تەرمێکی سوتێنراو لەنزیک گوندی عەزیزاوا ، پاش ئەوەی هێزەکانمان چونە شوێنی ڕوداوەکە دەستبەجێ دەستکرا بەلێکۆڵینەوە و بەدواداچوون و توانرا چەند سەرەداوێک بدۆزرێتەوە و لاشە سوتێنراوەکە ناسرایەوە کەژنێکە بەناوی ( ب  ع  ح ) لەدایکبووی ساڵی ( 1990 )."

 

ئاماژەی بەوەشکردووە، " لەڕۆژی 15 و 16ی حوزەیران تۆمەتباران سەرجەمیان لەلایەن بەڕێوەبەرایەتی ئاسایشی سلێمانیەوه دەستگیرکران."

 

ئاسایشی سلێمانی تۆمەتبارەکانی بەمشێوەیە ناساندووە:

 

١- ( پ ع ح )  لەدایکبووی ساڵی ١٩٨٥ سلێمانی.

 

٢- (م ع ح ) لەدایکبووی ساڵی ١٩٨٨.

 

٣-  ( ب ج ج ) لەدیک بوی ساڵی ١٩٩٦.

 

ئاسایشی سلێمانی دەڵێت، " تۆمەتباران دانیاننا بەوەدا کە لەڕۆژی 10ی حوزەیران  تۆمەتباری سەرەکی تاوانەکە لەسەر کێشەیەکی کومەڵایەتی هەستاوە بەبردنی تاوانلێکراو بە ئۆتومبێل و بردنی بۆ دەرەوەی شار، لەکاتی سەرخستنی لە ناو ئۆتومبێلەکەدا ژنەکە بەرەنگاری بووەتەوە و لەلایەن تاوانبارەکەوە بەسێ فیشەک کوژراوە ، دواتر بردویەتی لە چۆڵەوانییەکی نزیک گوندی عەزیزاوا سوتاندویەتی."

 

ئەوەشی ڕآگەیاندووە، "لە ئەنجامدانی ئەم تاوانەدا دوو تۆمەتبارەکەی تر بەتۆمەتی پێدانی چەک و هاوکاریکردن لە ئەنجامدانی تاوانەکەدا، بەپێی ماددەی (406 ) لەیاسای سزادانی عێراقی ڕاگیراون و لێکۆڵینەوە لە کەیسەکە بەردەوامه ."