گه‌ڕان

Shadow Shadow
سیاسه‌تی

وردەکاریى

پۆلیسى راپەڕین: لەشەڕى دوو بنەماڵەدا چەک بەکارهێنرا و سێ کەس دەستگیرکران 

2021.06.16 - 23:29
App store icon Play store icon Play store icon
پۆلیسى راپەڕین: لەشەڕى دوو بنەماڵەدا چەک بەکارهێنرا و سێ کەس دەستگیرکران 

ناس کورد-

بەڕێوەبەرایەتی پۆلیسی ڕاپەرین ڕایگەیاند، پۆلیسی قەزای پشدەر بەهاوکاری هێزەکانیی ئاسایشی قەزاکە توانیویانە بەر لە فراوانبوونی شەڕلەنێوان دوو بنەماڵەی گوندێکی سنوری قەزاکە بگرن وسێ کەسیش دەستگیر بکەن.

 

کەناڵی ناس کورد لە تێلیگرام جۆین بکە   

 

پۆلیسی ڕاپەرین ( 16ی حوزەیرانی 2021) لەڕاگەیەندراوێکدا کەوێنەیەکی دەست" ناس کورد" کەوتووە، ئاماژەى بەوە کرد "پاش ئاگادارکردنەوەمان لەبوونی ڕووداوێکی شەڕ لە گوندی (شێنێ) سەر بە ناحیەی هەڵشۆ-قەزای پشدەر دەستبەجێ هێزەکانی پۆلیسی فریاکەوتنی پشدەر بە هاوکاری هێزەکانی یاریدەدەریەتی ئاسایشی قەڵادزێ گەیشتنە شوێنی مەبەست و پاش بەدواداچون دەرکەوت بەهۆی کێشەیەکی کۆمەڵایەتی لەنێوان دوو بنەماڵە شەڕ ڕوویداوە کە چەکی تێدا بەکارهێنراوە".

 

لەڕاگەیەندراوەکەدا پۆلیسی راپەڕین ئاماژەی بەوەش کردووە "دوای کۆنتڕۆڵکردنی شەڕەکە بەبڕیاری دادوەر سێ کەس لەهەردوو بنەماڵەکە دەستگیرکراون ولەئێستاشدا لێکۆڵینەوە لەڕووداوەکە دەستی پێکردووە و دۆسیەی لێکۆڵینەوەشی بۆ رێکخراوە".