گه‌ڕان

Shadow Shadow
سیاسه‌تی

زانیاریی و وردەکاریی

پۆلیس هۆکاری کوشتنی ژنەکەى گۆڕستانی سەیوانی لەلایەن گەنجێکەوە ئاشکرا کرد

2021.06.16 - 14:49
App store icon Play store icon Play store icon
پۆلیس هۆکاری کوشتنی ژنەکەى گۆڕستانی سەیوانی لەلایەن گەنجێکەوە ئاشکرا کرد

ناس کورد-

ئەو کەسەی لە سلێمانی ژنێکی کوشت و لاشەکەى بە ڕووتی بەجێهێشت دەستگیرکرا و پۆلیسیش زانیاری و هۆکاری ڕووداوەکە ئاشکرا دەکات.

کەناڵی ناس کورد لە تێلیگرام جۆین بکە   

 

ئەمڕۆ چوارشەممە لە ڕاگەیەنراێکدا کە دەست "ناس کورد" کەوتووە، پۆلیسی سلێمانی ڕایگەیاند، "ئەو كەسەی شەوی 29 لەسەر 30 مانگی پێنجی 2021 كاتژمێر 12ی شەو لە گۆڕستانی سەیوان ژنێكی كوشت، پاشان لاشەكەی بەڕووتی بەجێهێشت لەلایەن پۆلیسی پارێزگای سلێمانییەوە دەستگیركرا".

 

لەبارەى هۆکاری ڕووداوەکە، سەرکەوت ئەحمەد، وتەبێژى پۆلیسى سلێمانى تایبەت بە "ناس کورد"ى ڕاگەیاند، "ئەو کەسە لە لێکۆڵینەوەکاندا دانى بەوە دا ناوە کە ئەو ژنەکەى کوشتوە، لەبەرئەوەى ئەو ژنە مناڵێکى بووە و وتوویەتى ئەو مناڵە لەوە".


ئاشکراشی کرد، ئەو ژنە بیرکۆڵ بووە و بە زۆرى لە باخى گشتیی سلێمانی بووە، بە ئەسڵ خەڵکى شارى کۆیەیە.

 

تەرمى ئەو ژنە 30 ئایارى ئەمساڵ لە گۆڕستانى سەیوان سلێمانى بە فرێدراوى دۆزرایەوە.

 

سەرکەوت ئەحمەد ڕوونى کردەوە تۆمەتبارەکە بەناوی (ب، ب، ح) لەدایکبووى1997ـە و دانیشتووى شارى سلێمانییە و ئێستا لە ژێر لێکۆڵینەوەدایە.


هەرلەوبارەیەوە بەرزان محەمەد لە پزیشکى دادوەرى سلێمانى بە "ناس کورد"ى وت، "تائێستا تەرمى ئەو ژنە کوژراوە هەر لە پزیشکى دادوەریە".