گه‌ڕان

Shadow Shadow
سیاسه‌تی

وردەکاریی

کازمی هۆشداری دەدات لە بەکارهێنانی وەزارەتەکان بۆ بانگەشە

2021.06.15 - 17:34
App store icon Play store icon Play store icon
کازمی هۆشداری دەدات لە بەکارهێنانی وەزارەتەکان بۆ بانگەشە

ناس کورد-

مستەفا کازمی هۆشدارى دەدات لە بەکارهێنانى وەزارەتەکانى حکومەتەکەى بۆ پڕوپاگەندەى هەڵبژاردن و جەخت لەوەدەکاتەوە کە "لێکۆڵینەوە لە هەر کەسێک دەکەین ئەو کارە بکات."

کەناڵی ناس کورد لە تێلیگرام جۆین بکە   

 

بەپێى ڕاگەیەنراوێکی نوسینگەى ڕاگەیاندنى ئەنجومەنى وەزیران (15ى حوزەیرانى 2021)، مستەفا کازمى، سەرۆک وەزیران لە دانیشتنێکى کابینەکەیدا ئاماژەى بەوەداوە، بە هەموو شێوەیەک بەکارهێنانى وەزارەتەکان بۆ پڕوپاگەندەى هەڵبژاردن ڕەت دەکەنەوە.

 

ئاماژەى بەوەشداوە، ئەم حکومەتە پیشەییە و هەر کەس وەزارەتەکانى بەکاربهێنێت بۆ مەبەستى تایبەتى لێکۆڵینەوەى لەگەڵدا دەکرێت، داواش لە سەرجەم وەزارتەکان دەکات لە هاوڵاتیانەوە نزیک بن و بە هەموو توانایانەوە خزمەتگوزارییان پێشکەش بکەن، بۆ گەڕانەوەى متمانەى هاوڵاتیان بە پرۆسەى سیاسى و هەڵبژاردن.

 

سەرۆک وەزیرانى عێراق هەر لە کۆبوونەوەکەدا ئەوەشى ئاشکراکردووە، سکاڵا هەیە لەسەر هەندێک لە لقەکانى وەزارەتى کار و کاروبارى کۆمەڵایەتى و گومان هەیە کە قوتى خەڵک لەلایەن چەند پاڵێوراوێکەوە بۆ پڕوپاگەندەى هەڵبژاردن بەکاردەهێندرێت و لێکۆڵینەوە لەو سکاڵایانە دەکەین و ڕێگە نادەین چینى هەژاران بژێوى و موچەیان بکرێتە مادەیەکى هەڵبژاردن.