گه‌ڕان

Shadow Shadow
سیاسه‌تی

وردەکاریى

 فرانس پرێس چەند نهێنییەک لەبارەى ژیانى ڕێواز فایەق ئاشکرا دەکات  

2021.06.15 - 15:44
App store icon Play store icon Play store icon
 فرانس پرێس چەند نهێنییەک لەبارەى ژیانى ڕێواز فایەق ئاشکرا دەکات  

ناس کورد-

 ئاژانسی"فرانس پرێس" لەچاوپێکەوتنێکیدا لەگەڵ ریواز فایەق، سەرۆکی پەرلەمانی کوردستان بەشێک لەوردەکاریی ژیانی رۆژانەیی و ئەو ئاڵنگاریانەش دەخاتەڕوو کە وەک ژنێکی کورد و خۆرهەڵاتیی ڕوبەرویان دەبێتەوە .

 

کەناڵی ناس کورد لە تێلیگرام جۆین بکە   

 

رێواز فایەق (15ی حوزەیرانی 2021) لە چاوپێکەوتنێکدا لەگەڵ ئاژانسە فەرەنسیەکە باسی ئەوەی کردووە کە لەتەمەنی 15ساڵیدا گوندەکەی دوچاری وێرانکاریی و خاپورکردن بووەتەوە لەسەردەمی رژێمی پێشووی عێراقدا، پێش ئەوەی بچێتە ڕیزەکانی یەکێتی نیشتیمانی کوردستان ئەندامی حیزبی شیوعی بووە.

 

سەرۆکی پەرلەمانی کوردستان، ئاماژەی بەوە کردووە "مام جەلال کە سەرکرادیەتی یەکێتی دەکرد هێرۆخانی هاوسەری ڕۆڵی بەرچاوەی هەبووە لە بەڕێوەبردنی کاروباری یەکێتی و هەر خۆشی مام جەلال بڕوایەکی تەواوی هەبووە بە توانای ژنان".

 

رێواز فایەق کەئێستا تەمەنی 48 ساڵە بە ئاژانسە جیهانییەکەشی وتووە "سەرباری ئەوەی کە بەراورد بەپێشوو یەکێتی زیاتر کراوە بووە لەسەر فەراهەم کردنی مافی ژنان، بەڵام  ژمارەی ئەو ژنانەی کە سیاسەت دەکەن لە ڕیزەکانی یەکێتی زۆر کەمن".

 

فایەق، کەبڕوانامەی دکتۆرای هەیە لەیاسا و بۆ ماوەی شەش ساڵ وەک ئەندام پەرلەمانی کوردستان لەسەر لیستی یەکێتی لەناو هۆڵی پەرلەمان کاری کردووە، دواتر لەساڵی 2019 کراوە بە سەرۆکی پەرلەمان.     

 

لای خۆیەوە ڤیان جاف، چالاکوانی مەدەنی  لەهەرێمی کوردستان رێواز فایەقی شوبهاندووە بە بەنازیر بۆتۆی کورد و بە ئاژانسە فەڕەنسییەکەى وتووە "رێواز فایەق، هیوای بەژنانی کورد بەخشیوە بەهۆی ئەو کەسایەتیە بەهێزەی کەهەیەتی".