گه‌ڕان

Shadow Shadow
سیاسه‌تی

وردەکاریى

 لێدوانى نوێى تەندروستى جیهانى لەبارەى توشبووانى کۆرۆنا 

2021.06.15 - 09:54
App store icon Play store icon Play store icon
 لێدوانى نوێى تەندروستى جیهانى لەبارەى توشبووانى کۆرۆنا 

ناس كورد-

ڕێکخراوی تەندروستیی جیهانی ڕایگەیاند، بۆ هەفتەی حەوتەم لەسەر یەک ڕێژەی توشبوونی نوێ بەڤایرۆسی کۆرۆنا لەسەر ئاستی جیهان کەمی کردووە، هاوکات هۆشداریشدا لەبەرزبوونەوەی ڕێژەی مردن بەپەتاکە لەکیشوەری ئەفریقا بەهۆی کەمی ڤاکسینەوە.

 

کەناڵی ناس کورد لە تێلیگرام جۆین بکە   

 

تیدرۆس ئەدهانۆم، بەڕێوەبەری گشتی ڕێکخراوە جیهانییەکە (15ی حوزەیرانی 2021) لەوتارێکدا لەبارەگای سەرەکی ڕێکخراوەکە لەجینێڤ ڕایگەیاند "داتاکان ئاماژە بەوە دەکەن حەوت هەفتەیە لەسەر یەک ڕێژەی توشبوونی نوێ بە ڤایرۆسی کۆرۆنا لەجیهاندا کەمی کردووە، کە ئەوەش پێشینەیەکی بێوێنەیە لەسەرەتای سەرهەڵدانی پەتاکە پێش زیاتر لە دوو ساڵ لەمەوبەر".

 

وتیشی "سەرباری ئەوەی ڕێژەکانی توشبوون کەمی کردووە بەڤایرۆسەکە، بەڵام ڕێژەی گیان لەدەستدان بەپەتاکە لەئەفریقا لەزیادبووندایە ئەوەش بەهۆی کەمی ڤاکسینەکانی دژ بە نەخۆشییەکە، پەتاکە لەو کیشوەرە خۆی مەڵاس داوە و لەسەر خۆ خەڵک دەکوژێت".

 

ئەدهانۆم ئاماژەی بەوەش کردووە "توخمە نوێیەکانی ڤایرۆسەکە بەشێوەیەکی مەترسیدار لەو ناوچانە بڵاودەبێتەوە کەپرۆسەکانی خۆکوتان دژ بە پەتاکە بەسستی بەڕێوە دەچێت".

 

بەڕێوەبەری ڕێکخراوە جیهانییەکە سوپاسی سەرکردەکانی وڵاتی گروپی حەوتی کرد بۆ دابینکردنی زیاتر 870 مليۆن دانە لەڤاکسینی دژ بەکۆرۆنا لەچوارچێوەی ڕێککەوتنی "كۆفاكس".