گه‌ڕان

Shadow Shadow
سیاسه‌تی

وێنە

وێنە؛ بەمەبەستی دزی کردن ئاگر لە ماڵێک بەردرا.. پۆلیس وردەکاریی ئاشکرا دەکات

2021.06.14 - 08:53
App store icon Play store icon Play store icon
وێنە؛ بەمەبەستی دزی کردن ئاگر لە ماڵێک بەردرا.. پۆلیس وردەکاریی ئاشکرا دەکات

ناس کورد-

لە دوو ڕووداوی جیادا منداڵێکی تەمەن هەشت ساڵان لە قەزای ڕەواندز ئاگر بەردەداتە دوو ماڵ و دزی لە ماڵێکیان دەکات، پۆلیسیش دەڵێت، لەدوای ئاشکرابوونی ڕووداوەکەش دەستگیرکراوە و دانی ناوە بە تاوانەکەدا.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی پۆلیسی سۆران (دووشەممە 14ی حوزەیرانی 2021) ڕایگەیاند، "دوای ئەوەی لە قەزای ڕواندز لە رێکەوتی  28ی ئایاری 2021، ماڵی هاوڵاتی ( ر س ح  ) سووتا و بەووتەی خۆی بڕێک پارەشی لێ وون ببوو، بەڵام لە سەرەتاوە هیچ سکاڵایەکی تۆمار نەکرد، ڕۆژی 12ی حوزەیرانی 2021، هاوڵاتی ( ب ف ق ) پەیوەندی بە بەشی پۆلیسی ڕواندزەوە کرد و سكاڵای خۆی تۆمار کرد کەماڵی سوتاوە."

 

ئاماژەی بەوەشکردووە، " دەستبەجێ بەرێوەبەری بەشی پۆلیس ڕواندز هەڵسا بە لێکۆلێنەوە لەم ڕووداوە پاش ئەوەی بەووردی بەدواداچوونی بۆ کرد سەرئەنجام گەیشتنە ئەو ڕاستیەی کە ئەم ڕووداوانە بە دەستی ئەنقەست بووە و دواجار ئەنجامدەری ئەم ڕووداوە دۆزرایەوە وە دەستگیرکرا کە منداڵێکی تەمەن هەشت ساڵانە و دانی نا بە تاوانەکەی."

 

ئەوەشی خستووەتەڕوو، " ئەو منداڵە لەتاوانی یەکەم دوای ئاگر بەردانە ماڵەکە برێک پارەی دزی بوو، بەڵام لەتاوانی دووەم تەنها پەنجەرەکانی ماڵی ناوبراوی شکاندبوو و ئاگری بەردابووە ماڵەکە و هەڵهاتووە .

 

لە ڕاگەیەنراوەکەدا ئەوەش هاتووە، " تۆمەتبار دانشتووی قەزای ڕواندزە و تەمەنی هەشت ساڵە و نەوجەوانە و بەپێی مادەی 240 لەسەر فەرمانی دادوەر دەستگیر کرا، بەلام لەبەر ئەوەی تەمەنی بچوکە و نەوجەوانە بەند نەکرا ."