گه‌ڕان

Shadow Shadow
سیاسه‌تی

لە پشکی پارتی وەزارەتی شەهیدان دەدرێتە حزبی سۆسیالیست

2019.06.17 - 14:06
App store icon Play store icon Play store icon
لە پشکی پارتی وەزارەتی شەهیدان دەدرێتە حزبی سۆسیالیست

کەناڵی ناس کورد لە تێلیگرام جۆین بکە   

ناس کورد- مەسرور بارزانی، راسپێردرا بۆ پێکهێنانی حکومەتی هەرێمی کوردستان رایگەیاند " وەزارەتی شەهیدان لە کابینەی نوێی حکومەتی هەرێمی کوردستان دەدرێتە حزبی سۆسیالیستی دیموکراتی کوردستان". . لەمیانەی سەدانەکەی بۆ سلێمانی و کۆبوونەوەی لەگەڵ حزبی سۆسیالیستی دیموکراتی کوردستان، مەسرور بارزانی، راسپێردراو بۆ پێکهێنانی کابینەی نوێی حکومەتی هەرێمی کوردستان، وتی " لە کابینەی نوێی حکومەتدا حزبی سۆسیالیست وەزارەتی شەهیدانیان پێدەدرێت". . پۆستی وەزارەتی شەهیدان پشکی پارتی دیموکراتی کوردستانە و لە پشکی خۆی ئەو وەزارەتە دەداتە حزبی سۆسیالیست و (ناس کورد ) زانیوویەتی، پۆستی وەزیری شەهیدان دەدرێتە عەبدوڵا حاجی مەحمود کە ئەندامی پەرلەمانی کوردستانە و ناوبراو لە پەرلەمان پاشەکشە دەکات و جێگەکەی دەدرێتە باپیر کامەلا، سکرتێری پارتیی کرێکاران و ڕەنجدەرانی کوردستان، کە لە هەڵبژاردنی پەرلەمانی کوردستاندا لەگەڵ حزبی سۆسیالیست بە هاوپەیمانێتییەک بەشداریی هەڵبژاردنەکەیان کرد. . ئەمڕۆ دووشەممە 17ی حوزەیران، مەسرور بارزانی، بە سەرۆکایەتی شاندێک گەیشتە سلێمانی و لە یەکەم وێستگەی سەردانەکەیدا لەگەڵ مەکتەبی سیاسی یەکێتی کۆبوویەوە. . شاندی پارتی پێکهاتووە لە مەسرور بارزانی، دڵشاد شەهاب، فرسەت سۆفی، هێمن هەورامی و ئومێد خۆشناو. . ئەمە دووەمین کۆبوونەوەی مەسرور بارزانیە لە بارەی پێکهێنانی کابینەکەیەوە ئەنجامی دەدات، دوێنێ یەکشەممە 16ی حوزەیران یەکەم کۆبوونەوەی لەگەڵ مەکتەبی سیاسی پارتی ئەنجامدا. .