گه‌ڕان

Shadow Shadow
سیاسه‌تی

جەژنی قوربان

پێشبینییە میسری و سعودییەكان بۆ وادەی جەژنی قوربان ئاشکرا کران

2021.06.12 - 15:55
App store icon Play store icon Play store icon
پێشبینییە میسری و سعودییەكان بۆ وادەی جەژنی قوربان ئاشکرا کران

ناس کورد-

پاش ڕاگەیاندنی وادەی جەژنی قوربان لە ڕووی فەلەكییەوە لەلایەن ناوەندی گەردونناسی سعودی دەركەوت هەمان پێشبینی و وادەی ئامۆژگای نیشتمانی توێژینەوە گەردونناسەییەکانی میسرە كە دەزگایەكی فەرمی دەوڵەتە.

کەناڵی ناس کورد لە تێلیگرام جۆین بکە   

 

بەپێی ئەم پێشبینییانە كە "ناس كورد" بینیویەتی (12ی حوزەیرانی 2021)، رۆژی 19 تەموزی 2021 ڕۆژی وەستانی حاجیان دەبێت لەسەر كێوی عەرەفە كە دەكاتە (9ی ذي الحجة - مانگی حاجیانە) و ڕۆژی دواتر سێشەممە، 20 تەموزی 2021، یەكەم ڕۆژی جەژنی قوربان دەكات لەم دوو وڵاتە ئیسلامییە كە گرنگی زۆر بە دیاریكردنی سەرەتای مانگە ئیسلامییەكان دەدەن.

 

بەهۆی ئەوەشی دیاریكردنی جەژنی قوربان پەیوەندیدارە بە فەرزی حەجەوە، عەرەبستانی سعودی ڕۆڵی گەورە دەبینێت لە دیاریكردنی وادەكەی بەوپێیەی دیاریكردنی سەرەتا و كۆتایی مەراسیمی حەج ئەركی ئەم دەوڵەتەیە.


وەزارەتی حەجی سعودیە بڕیاریدا ئەمساڵ (1442/ 2021) بەجێهێنانی فەرزی حەج كورت بكرێتەوە بۆ هاوڵاتیانی نیشتەجێی سعودیە لەنێوان تەمەنی 18 - 65 ساڵ بەمەرجێك ژمارەیان لە 60 هەزار كەس زیاتر نەبێت و ڤاكسینیان وەرگرتبیت و نەخۆشی درێژخایەنیان نەبێت، یان پێشتر چاك بوونەتەوە لە كۆرۆنا.