گه‌ڕان

Shadow Shadow
سیاسه‌تی

وردەکاریی

ڕاپۆرتێكی ئەمەریكی نهێنییەكانی ئازادكردنی فەرماندەكەی حەشد ئاشكرا دەكات

2021.06.12 - 11:40
App store icon Play store icon Play store icon
ڕاپۆرتێكی ئەمەریكی نهێنییەكانی ئازادكردنی فەرماندەكەی حەشد ئاشكرا دەكات

ناس کورد-

پەیمانگای واشنتۆن بڵاویكردەوە، ئەنجومەنی باڵای دادوەری عێراق بەخشینی كاتی زیاتری بە لێكۆڵەران ڕەتكردووەتەوە لە دۆسیەی قاسم موسڵیح تا بەڵگەی زیاتر پێشكەش بكەن و پاش دوو هەفتە بڕیاری ئازادكردنی داوە لە كاتێكدا یاسا ڕێگە دەدات تا شەش مانگیش بهێڵرێتەوە.

کەناڵی ناس کورد لە تێلیگرام جۆین بکە   

 

ڕاپۆرتەكە كە مایك نایتس، پسپۆڕی كاروباری عێراق لە پەیمانگاكە ئامادەی كردووە و ناس كورد بینیویەتی باس لەوە دەكات، ئەگەر وادەی دەستبەسەركردنی قاسم موسڵیح درێژ بكرایەتەوە دەكرا بەفەرمی لائیحەی تۆمەتی ئاڕاستە بكرێت یان كاروبار گۆڕانكارییان بەسەردا بهاتایە، بەڵام لەبری ئەوەی گوشارەكانی ئەنجومەنی باڵا وایكردووە ئازاد بكرێت و بكرێتە ئاهەنگ و كەرنەڤاڵ.


بەگوێرەی راپۆرتەكە ئەم پێشهاتە ئەوەی دەرخست كە قەزای عێراقی لاوازترین ئەڵقەی دەوڵەتە بۆ پاراستنی گەلی عێراق و لێپرسینەوە لە تاوانباران.


هەروەها ئەوەشی ئاشكراكردووە، فەرماندەی ئەنباری حەشدی شەعبی كەسایەتییەكی دیارە لە هەوڵەكانی ئێران بۆ كۆنترۆڵكردنی سنوری عێراق و سوریا و پەیوەندییەكی بەهێزی بە كەتیبەكانی حیزبوڵڵاوە هەیە، سەرۆكایەتی وەزیرانیش دوودڵ نەبووە لە دەستیگركردنی بەڵام لە ئەنجومەنی دادوەری گوشارەكان ئازادیان كردووە.

 

ڕۆژی 7ی حوزەیرانی 2021، ساڵح موسڵیح لە زیندان ئازاد کرا بە بیانووی ئەوەى دادگا هیچ بەڵگەیەکی  نییە لەسەر تۆمەتبارکردنی بە تیرۆر.

 

رۆژی 26ی ئایاری 2021، دەستگیرکردنى قاسم موسڵح، فەرماندەی میحوەری ئەنباری حەشدی شەعبی، گروپە میلیشیاکانى سەربە حەشدى شەعبى توڕە کرد، بۆ ئێوارەکەى هەڵیانكوتایە سەر ناوچەى سەوزی بەغدا، پاش ئەوەش هێزێکى زۆرى ئەمنى لە دەروازەکانى ناوچەى سەوز بڵاوەیان پێکرا و لەشەقامەكانی بەغداش گرژی دروست بوو.   

  

هەرچەند تۆمەتەكانی قاسم موسڵیح تیرۆرە، بەڵام بەپێی زانیارییە دزەپێكراوەكان ناوبراو تۆمەتبارە بە هێرشكردنە سەر بنكەی (عین الأسد) ئەمەریكییەكان و تیرۆركردنی چالاكوانانی خۆپیشاندانی تشرین لەوانەش ئیهاب وەزنی كە لە (9 ئایار) لە سەنتەری كەربەلا كوژرا. بەهۆی ئەوەشەوە ڕۆژی (25 ئایار) خۆپیشاندەرانی باشوری عێراق لە هەموولایەكەوە ڕژانە گۆڕەپانی تەحریر و گۆڕەپانی نسوری بەغدای پایتەخت لەژێر دروشمی "كێ كوشتمی؟" و جموجوڵەكەی خۆشیان ناونا "شۆڕشی ئیهاب وەزنی".