کەناڵی ناس کورد لە تێلیگرام جۆین بکە
ناس کورد جارێکی تر دادگای فیدڕاڵی عێراق، بەهۆی وەرنەگرتنی وەڵامی سەرۆک وەزیرانەوە دۆسیەی هەناردەکردنی نەوتی هەرێمی یەکلانەکردەوە و دانیشتنەکەی بۆ مانگی ئاب دواخست. . ئەمڕۆ دووشەممە 17ی حوزەیرانی 2019، دادگای فیدڕاڵی عێراق دانیشتنێکی تری لە سەر دۆسیەی نەوتی هەرێم ئەنجامدا و سێ پەرلەمانتاری کورد لە ئەنجومەنی نوێنەران بەشداری دانیشتنەکە بوون. . [caption id="attachment_96061" align="alignnone" width="900"]
ئەحمەدی حاجی ڕەشید، لە فراکسیۆنی کۆمەڵی ئیسلامی، هوشیار عەبدوڵڵا لە فراکسیۆنی بزوتنەوەی گۆڕان و سەرکەوت شەمس لە فراکسیۆنی نەوەی نوێ بەشداری دانیشتنەکە بوون.[/caption]
.
لە ڕاگەیەندراوێکدا، پەرلەمانتارە کوردەکان ڕایانگەیاندووە، " ئێمە وەک سێ پەرلەمانتار پێمان وایە کە گرنگە مەلەفی نەوتی هەرێمی کوردستان بە شیوەی دەستوری و یاسایی چارەسەر بکرێت و داهاتەکەی بخرێتە خزمەتی هاونیشتیمانیانەوە."
.
بەپێی ڕاگەیەندراوی ئەو سێ پەرلەمانتارە، دادگای فیدڕاڵی وەڵامی لایەنەکانی ناو دۆسیەکەی بەدەستگەیشتوە جگە لە سەرۆک وەزیرانی عێراق، هەربۆیە دادگا دانیشتنەکەی بۆ پێنجی مانگی ئابی داهاتوو دواخستووە.
.
هاوکات داوای لە نوێنەری سەرۆک وەزیرانی عێراق کردووە کە وەڵامی سەرۆک وەزیران لە سەر دۆسیەکە بۆ دانیشتنی داهاتوو ئامادە بکات.
.
ئەو پەرلەمانتارە کوردانە ڕایانگەیاندووە، ئەو ڕێککەوتنانەی لە ڕابردودا لە بارەی دۆسیەی نەوتی هەرێمەوە ئەنجام دراون سیاسی بوون نەک یاسایی وەک خۆیان جێبەجێ نەکراون و دەڵێن: " مەبەستمانە بە چارەسەری یاسایی و دەستوری مەترسی برینی موچە بەیەکجاری چارەسەر بکەین."
.
وەزارەتی نەوتی عێراق لە کابینەکەی حەیدەر عەبادی، سکاڵای دژی حکومەتی هەرێم لە دادگای باڵای فیدڕاڵی تۆمار کردووە بۆ بە نایاسایی ناساندی هەناردەی سەربەخۆی نەوتی هەرێم لە ڕێگەی تورکیاوە.
.
