گه‌ڕان

Shadow Shadow
سیاسه‌تی

’’لەناو یەکێتی بەردەوامم’’

عەتا سەراوی: دەبێت کفنم سپی نەبێ بەڵکو سەوز سەوز سەوز بێ

2021.06.11 - 13:42
App store icon Play store icon Play store icon
عەتا سەراوی: دەبێت کفنم سپی نەبێ بەڵکو سەوز سەوز سەوز بێ

ناس کورد-

عەتا سەراوی، ئەندامی سەرکردایەتی یەکێتی جەخت دەکاتەوە کە شێوازی کاری سیاسیی ئایندەی "بەندە لەناو زانکۆی یەکێتیی نیشتمانیی کوردستان" و تکا دەکات کە "کفنی من سپی نەبێ دەبێ سەوز سەوز سەوز بێ".

کەناڵی ناس کورد لە تێلیگرام جۆین بکە   

 

عەتا سەراوی دوای ڕەخنەکانی لە هەردوو هاوسەرۆکى یەکێتی و ئەندامانی مەکتەبی سیاسی، ئەمڕۆ لە فەیسبوکی خۆی نوسیبووی، "لەرێگەی زنجیرەیەک وتارەوە مێژوی خۆم و 41 ساڵی خەبات و تێکۆشانی بڵاو دەکەمەوە و لەسەر ئەو بنەمایەش شێوازی ئایندەی کاری سیاسی خۆم ڕون و دیار دەکەم."

 

ناوبراو دواتر ڕوونکردنەوەیەکی تری بڵاوکردەوە و دەڵێت، "مەبەستم لە ئایندەی سیاسی خۆم و شێوازی کاری سیاسی ئایندەم با ھەموان دڵنیابن، بەندە لەنێو زانکۆیی (ی، ن، ک)دا لەبوارەکانی کاری ڕێکخستن و ڕاگەیاندن و کاری جەماوەریی و بواری فکرو ئایدیایی سۆسیالیزمی دیموکراتیک و خەباتی چینایەتی و مافی ژن و سەرجەم چین و توێژەکانی کۆمەڵگاو کاری دیبلۆماسی و ئەمنی و سەربازی و دەیان بواری تری فەرامۆش کراو."

 

دەشڵێت، "ئەرکی ئێمەیە لە خۆمانەوە دەست پێ بکەین و گۆڕینی ئەم شێوەکاری تەقلیدیە حیزبییە و جیاکردنەوەو گۆڕینی کاری پشت کورسی و مێز و بون بە کارمەند و موچەخۆر کەدورە لەشێوازو بنەمایی کاریی یەکێتی ،یانەو بونی لەشکرێک کادرو بارەگای دیوەخان ئاسا ئائەو شێوازە کارەی کەبوین بەمشەخۆر و بێ نەسریەو پارەو سەیارەو بارەگا لەماڵەکانمانەوە بۆ بارەگاو وەک موەزەف، چاومان لەسەرکاتژمێرەکەمانە، کەی دەوام تەواوبێ و بۆ ماڵ،لەو چوار پێنج کاتژمێرەش چاوەڕوانبین خەڵک بێنە"

 

عەتا سەراوی دەشڵێت، "بۆیە ئەم ڕونکردنەوەم دا چونکە زۆر بوون لەدڵسۆزانی مام و ینک و بەندەش تەفسیری ھەڵەیان بۆ کردبوو لە نیگەرانی یان داوای ڕونکردنەوەیان لێکردبوم، وە کەمیش نەبون نەیارو ناحەزانی یەکێتییەکەم و بەندەش بەمەبەست ئەو ڕستەیان زۆر زەق کردبوەوەو خەویی خراپ بینین".

 

"بۆیە دڵنیابن گۆرینی شێوازی کاری جیاواز مەبەست لەو کارەتەقلیدی و نەگونجاوەی بوو لەگەڵ سەردەمەکەو ئایدیایی ینک، بۆیە بڕیارم داوە لەخۆمەوە دەست پێ بکەم، ئەم مێژووەتان بیربێ خێزان و کوڕوکچەکانم و خزمانم لەھەرکات و شوێنێک، ژیان ئاوایشم کرد، تکایە کفنی من سپی نەبێ دەبێ سەوز سەوز سەوزبێ، کفنیشم مێژو ئێستاو ئایندەی (ینک)ـە."