گه‌ڕان

Shadow Shadow
سیاسه‌تی

ناوی چییە و لەکوێیە؟

زەریاى پێنجەم بۆ نەخشەى جیهان زیاد کرا

2021.06.11 - 09:11
App store icon Play store icon Play store icon
زەریاى پێنجەم بۆ نەخشەى جیهان زیاد کرا

ناس کورد-

تۆڕى ناشناڵ جیۆگرافیک زەریاى بەستووى باشورى بۆ لیستى زەریاکان زیاد کرد، بەوەش چیتر زەوى چوار زەریاى نییە بەڵکو پێنجن، نوێکردنەوەى نەخشەکانیش ماوەى 100 ساڵە ئەوە یەکەمجارە ئەنجام بدرێت.

کەناڵی ناس کورد لە تێلیگرام جۆین بکە   

 

تۆڕى ناشناڵ جیۆگرافیک (11ى حوزەیرانى 2021) بڵاویکردووەتەوە، زەریاى پێنجەمى بۆ نەخشەى جیهان زیاد کردووە کە زەریاى بەستوى باشورە، بەوەش ئێستا هەڵەیە بوترێت زەوى لە چوار زەریا پێکهاتووە، بەڵکو بووە بە پێنج.

 

ئەوەش دواى ئەوە دێت لەم هەفتەیەدا تۆڕەکە ئاشکرایکرد، بەشێوەیەکى فەرمى دان دەنێت بە زەریاى باشوردا کە ڕووبەرێکی ئاوییە و دەورى کیشوەرى بەستووى باشورى داوە.

 

لاى خۆیەوە ئیدارەى ئەمریکى بۆ زەریاکان و بەرگەهەواى زەوى بڵاویکردووەتەوە، بەشێوەیەکى مێژوویی، چوار زەریا هەن کە ناویان "ئەتڵەسى، هێمن، هیندى و بەستووى باکور"ـە، ئێستاش بەشێک لە دەوڵەکانى جیهان دان بە زەریاى پێنجەمدا دەنێن کە زەریاى باشورە "ئەنتارکتیکا".

 

پێشتریش پێشنیازێک درابووە ڕێکخراوى "هایدرۆگرافیک" نێودەوڵەتى بۆ داننان بە زەریاى پێنجەمدا، بەڵام بەشێک لە وڵاتانى ئەندامى ڕێکخراوەکە ڕەزامەند نەبوون بەو سنورەى بۆ زەریاکە دیارى کراوە، بەهۆى ئەوەشەوە تائێستا ڕەزامەندى نەدرابوو لەسەرى.