گه‌ڕان

Shadow Shadow
سیاسه‌تی

زانیاریی زیاتر

باشترین یاریزانى سەدەى 21ى ئەوروپا دیارى کرا

2021.06.10 - 22:26
App store icon Play store icon Play store icon
باشترین یاریزانى سەدەى 21ى ئەوروپا دیارى کرا

ناس کورد- 

لە ڕاپرسییەکدا باشترین یاریزانى سەدەى 21ى کیشوەرى ئەوروپا دیاریکرا و تێیدا ژمارەیەک یاریزان کێبڕکێیان لەسەر بەدەستهێنانى نازناوەکە دەکرد.

کەناڵی ناس کورد لە تێلیگرام جۆین بکە   

 

تۆڕى BBC بڵاویکردووەتەوە (10ى حوزەیرانى 2021)، لە ڕاپرسییەکدا کریستیانۆ ڕۆناڵدۆى پرتوگالى وەک باشترین یاریزانى سەدەى 21ى کیشوەرى ئەوروپا دیاریکرا و لە ڕووبەڕووبونەوەى لە قۆناغیدا کۆتاییدا لەگەڵ ئەندرێس ئینێستاى ئیسپانى ڕکارى کرد و 56%ى دەنگى دەنگدەرانى بەدەستهێنا.

 

ڕونیشکراوەتەوە، دەنگدان بە چەند قۆناغێک کراو لە قۆناغى یەکەمى ڕاپرسییەکەدا، ڕۆناڵدۆ 78%ى دەنگەکانى بەدەستهێنا و دواتر لۆکا مۆدریچى کرواتى 11% و دواتریش هارى کین 9% و بەدوایدا کەریم بن زیمەى فەرەنسى 2%ى دەنگەکانیان بەدەستهێناوە.

 

هەرچى لە قۆناغى دووەمدایە، کریستیانۆ ڕۆناڵدۆ بە بەدەستهێنانى 57%ى دەنگەکان بەسەر تێرى هێنرى فەرەنسى و بە بەدەستهێنانى 51%ى دەنگەکان بەسەر زەینەدین زیدانى فەرەنسیدا سەرکەوت، لە قۆناغى پێش کۆتاییدا توانى بە بەدەستهێنانى 62%ى دەنگەکان بەسەر پاولۆ ماڵدینى بەرگریکارى پێشووى ئیتاڵى سەرکەوێت.

 

هەرچى ئەدرێس ئینێستایە لە قۆناغى یەکەمدا بە بەدەستهێنانى 51%ى دەنگەکان بەسەر ئالان شیرەرى ئینگلیزیدا سەرکەوت کە 27%ى دەنگەکانى بەدەستهێنا، هەروەها تۆتى ئیتاڵى 17%ى دەنگەکانى بەدەستهێنا و دیڤید ڤیاى ئیسپانیش 5%ى دەنگەکان.

 

هەرچى لە قۆناغى دووەمدایە، ئینێستا توانى بە بەدەستهێنانى 80%ى دەنگەکان بەسەر چاڤى ئەلۆنسى هاونیشتیمانى سەرکەوت هەروەها سەرکەوتن بەسەر دینیس بێرگکامدا تۆمار کرد و 53%ى دەنگەکانى بەدەستهێنا، لە قۆناغى پێش کۆتاییش بە بەدەستهێنانى 72%ى دەنگەکانیش بەسەر چاڤى هێرناندێزى هاونیشتیمانى سەرکەوت.

 

لە کۆتا قۆناغیشدا ڕۆناڵدۆ و ئینێستا ڕووبەڕووى یەک بوون و هەزارەها دەنگدەر بەشدارییان کرد و ڕۆناڵدۆ توانى بە بەدەستهێنانى 56%ى دەنگەکان سەرکەوتن بەدەستبهێنێت لە بەرامبەر 44%ى دەنگەکان بۆ ئینێستا و ببێتە باشترین یاریزانى سەدەى 21ى کیشوەرى ئەوروپا.