گه‌ڕان

Shadow Shadow
سیاسه‌تی

وردەکاریى

دوو پرسى گەرمى دیدارە چاوەڕوانکراوەکەى بایدن و ئەردۆغان ئاشکرا دەکرێن

2021.06.09 - 23:14
App store icon Play store icon Play store icon
دوو پرسى گەرمى دیدارە چاوەڕوانکراوەکەى بایدن و ئەردۆغان ئاشکرا دەکرێن

ناس كورد-

بڕیارە لە 14ی ئەم مانگەدا،جۆ بایدن، سەرۆکی ئەمەریکا و ڕەجەب تەیب ئەردۆغان، سەرۆک کۆماری تورکیا، لەپەراوێزی کۆبوونەوەکانی هاوپەیمانێتی" ناتۆ" گفتۆگۆ بکەن، میدیاکانی ئەمەریکاش ئاماژە بەوە دەکەن، دانپێدانی ئەمەریکا بەکۆمەڵکوژی ئەرمەنەکان و پرسی سیستمی بەرگریی موشەکی ئاسمانیی ئێس 400 کەتورکیا لەڕوسیای کڕیوە، هۆکاری ئاڵۆزبوونی پەیوەندییەکانی نێوان ئەو دوو وڵاتەیە. 

 

کەناڵی ناس کورد لە تێلیگرام جۆین بکە   

 

ماڵپەڕی"الحورة"ی ئەمەریکی (9ی حوزەیرانی 2021) بڵاوی کردەوە "بڕیارە سەرۆکی ئەمەریکا و تورکیا لە 14ی ئەم مانگەدا بەشداریی لەکۆبوونەوەکانی هاوپەیمانێتی "ناتۆ" بکەن".

 

ئاماژە بەوەش کراوە "زانیارییەکان ئەوەیان ئاشکراکردووە کە بایدن و ئەردۆغان بەنیازن لە پەراوێزی کۆبوونەوەکاندا بەجیا گفتۆگۆ بکەن، کە ئەوەش بەیەکەم دیداری ڕاستەوخۆی نێوان هەردوو سەرۆک دادەنرێت، پاش ئەوەی بایدن پۆستی سەرۆکی ئەمەریکای وەرگرتووە" .

 

بەگوێرەی ماڵپەڕە ئەمەریکییەکە "دوو پرسی گرنگ لەگفتوگۆکانیی نێوان ئەو دوو سەرۆکەدا دەخرێنە بەرباس کەئەوانیش بریتین لەدانپێدانی ئەمەریکا بە پرسی کۆمەڵکوژی زیاتر لەملیۆن و نیوێک هاوڵاتی ئەرمەن لەسەردەمی  دەوڵەتی عوسمانیدا، پرسەکەی دیکەش پەیوەندی بەکڕینی سیستمی بەرگریی موشەکی ئاسمانیی ئێس 400ى روسییەوە هەیە کە تورکیا بەپێچەوانەی هۆشدارییەکانی ئەمەریکاوە لەو وڵاتەی کڕیوە".

 

ئەوەشخراوەتە ڕوو "ئەردۆغان لەبارەی گفتوگۆکانی لەگەڵ بایدن وتویەتی "هەرچەندە بایدن کەسایەتییەکی هێمن و جیاوازتری هەیە لە دۆناڵد ترەمپ، سەرۆکی پێشووی ئەمەریکا، بەڵام بۆم دەرکەوتووە کە ئەو تەنها لەکاتی پەیوەندییە تەلەفونییەکاندا هێمنە، بەڵام بە بەراورد بە ترەمپ و ئۆباما و جۆرج دەبلیۆ بۆش، زۆر کەلەڕەق و سەرسەختە  و بەئاسانی نایەتە ژێربار".

 

ئەردۆغان ئەوەشی وتووە "لەسەردەمی هیچ سەرۆکێکی پیشووی ئەمەریکادا ئەوەندەی ئێستا پەیوەندییە دبلۆماسییەکانی نێوان واشنتۆن و ئەنقەرە ئاڵۆز نەبووە، گفتۆگۆکانم لەگەڵ بایدن هیچ ئاسان نییە".