گه‌ڕان

Shadow Shadow
سیاسه‌تی

وردەکاریى

 لێدوانى تەندروستى پەرلەمان لەبارەى سەپاندنى ڤاکسینى کۆرۆناوە

2021.06.09 - 22:17
App store icon Play store icon Play store icon
 لێدوانى تەندروستى پەرلەمان لەبارەى سەپاندنى ڤاکسینى کۆرۆناوە

ناس کورد-

ئەندامێکى ليژنەى تەندروستى پەرلەمانى عێراق دەڵێت، سەپاندنى ڤاکسینى کۆرۆنا بەسەر خوێندکاران و فەرمانبەراندا نادەستورى نییە و یاساکان ڕێگە بەوە دەدەن.

 

کەناڵی ناس کورد لە تێلیگرام جۆین بکە   

 

حەسەن خەڵاتى، ئەندامى لیژنەى تەندروستى پەرلەمان (9ى حوزەیرانى 2021) لە لێدوانێکى ڕۆژنامەوانیدا ئاماژەى بەوەداوە، سەرجەم بڕیارەکانى حکومەت تایبەت بە ڤاکسینەکانى کۆرۆنا پێچەوانەى دەستور نییە، بەڵکو لەگەڵ ئازادى گشتى و یاساکان گونجاون.

 

ڕونیشیکردووەتەوە، هیچ بڕیارێک تایبەت بە سەپاندنى ڤاکسین بەسەر سەرجەم هاوڵاتیاندا تائێستا نەدراوە، یاساکانى تەندروستى گشتى دەتوانن ڤاکسینەکان بەسەر چینە دیارى کراوەکاندا بسەپێنن، هەر ئەو سیستمەش لە سەرجەم ناوچەکانى جیهاندا کارى پێدەکرێت.

 

خەڵاتى دەشڵێت، سەرى سوڕماوە لەوەى سەرەتا هەمووان داواى ڤاکسینیان دەکرد، ئێستا کە گەیشتووە هەندێک ناڕەزایى دەردەبڕن لە سەپاندنى، خوێندکارانى قۆناغى سەرەتایى یاخود دواناوەندى جۆرێکى دیاریکراو ڤاکسینیان بەسەردا دەسەپێندرێت بۆ پاراستنى تەندروستى گشتى، لەو ڕوانگەیەوە مامەڵە لەگەڵ کوتان بە ڤاکسینەکان دەکرێت.



جەختی لەوەشکردووەتەوە، بابەتەکە پەیوەندى بە تەندروستى تاکەوە نییە و پەیوەندى بە تەندروستى گشتییەوە هەیە، بۆیە لەوانەیە ناچار ببین ڤاکسین بسەپێنین بەسەر چینە دیاریکراوەکاندا، ئەوەش بەپێى هەڵسەنگاندنى لایەنە تایبەتمەندەکان.