گه‌ڕان

Shadow Shadow
سیاسه‌تی

زانیاریی زیاتر

سێ کرێکاری ڕۆژهەڵاتی ئاگریان لە جەستەی خۆیان بەردا

2021.06.08 - 21:51
App store icon Play store icon Play store icon
سێ کرێکاری ڕۆژهەڵاتی ئاگریان لە جەستەی خۆیان بەردا

ناس کورد-

دژی پێنەدانی موچەکانیان سێ کرێکاری خەڵکی کرماشان لەبەردەم بینای ئیدارەی ڕێگاوبانی کرماشان ئاگریان لە جەستەی خۆیان بەردا.

کەناڵی ناس کورد لە تێلیگرام جۆین بکە   

 

ڕێکخراوی مافی مرۆڤی هەنگاو (سێشەممە 8ی حوزەیرانی 2021) ڕایگەیاند، " وەک ناڕەزایی دەربڕین دژی پێنەدانی موچەکانیان سێ کرێکار لەبەردەم ئیدارەی ڕێگاوبانی کرماشان ئاگریان لە جەستەی خۆیان بەردا."

 

ئاماژەی بەوەشکردووە، ئەو سێ کرێکارە ماوەی چەند مانگێکە لەلایەن خاوەن گرێبەستەکانی ئیدارەی ڕێگاوبانی کرماشانەوە موچەیان پێنەدراوە و بەوهۆیەشەوە ئاگریان لە جەستەی خۆیان بەرداوە.

 

بەگوێرەی ئەو ڕێکخراوە مرۆییە، هەرسێ کرێکارەکە بە سوتاوی لەلایەن هێزەکانی ئیدارەی فریاکەوتن ڕزگار کراون و بۆ ناوەندە دەرمانییەکانی کرماشان گوازراونەتەوە.

 

ئەوەش لەکاتێکدایە، لەمانگی ڕابردووشدا گەنجێکی پەناخوازی ڕۆژهەڵاتی کوردستان لە هەرێمی کوردستان وەک ناڕەزایی دەربڕین دژی بارودۆخیان لە بەردەم بارەگای نەتەوە یەگکرتووەکان خۆی سوتان و پاش چەند ڕۆژێک مانەوە لە نەخۆشخانە گیانی لەدەستدا.