گه‌ڕان

Shadow Shadow
سیاسه‌تی

دواى جیابوونەوە پێکەوە ژیاون

وردەکاریی کوژرانى ژنێک بەدەستى هاوسەرى پێشووى لەسلێمانى

2021.06.08 - 15:59
App store icon Play store icon Play store icon
وردەکاریی کوژرانى ژنێک بەدەستى هاوسەرى پێشووى لەسلێمانى

ناس کورد-

 

لەحاڵەتێکى دەگمەندا ژن و مێردێک لە سلێمانى دواى جیابوونەوەیان لەماڵێکدا ژیانیان بەسەربرد، بەڵام پێکەوە ژیانیان بەکارەسات کۆتایی هات کاتێک بەهۆى شەڕى نێوانیانەوە پیاوەکە کۆتایی بە ژیانى ژنەکە هێنا.

 

کەناڵی ناس کورد لە تێلیگرام جۆین بکە   

 

ئەو ژن و مێردە کە دانیشتووى گەڕەکى بەکرەجۆى سلێمانین، پێکەوە لەخانویەکدا دەژیان سەرەڕاى جیابونەوەیان، بەڵام شەوى رابردوو دەمەبوڵەى نێوانیان سەریکێشا بۆ توندوتیژى و پیاوەکە بەدەمانچە جەستەى ژنەکەى ساردکردەوە.

 

ئەو ژن پیاوە جیاوازى تەمەنیان 20 ساڵ بووە، ژنەکە تەمەنى 37 ساڵە و پیاوەکەش کە ناوى (م ، ك ، أ )ە  تەمەنى 53 ساڵە، بەوتەى پۆلیس ماوەیەک لەمەوبەر لەیەکتر جیابوونەتەوە بەڵام لەیەک خانودا ژیاون.

 

سەرکەوت ئەحمەد وتەبێژى پۆلیسى سلێمانى بە "ناس کورد" ى راگەیاند، رووداوەکە بەهۆى دەمەبۆڵە و شەڕى نێوانیانەوە روویداوە، پیاوەکە چەند فیشەکێکى لە ژنەکە داوە و بەهۆیەوە بەسەختى برینداربووە، دواتر لە نەخۆشخانە گیانى لەدەستداوە.

 

وتیشى "ئەو ژن و پیاوە پێشتر جیابونەتەوە، بەڵام لەیەک ماڵدا ژیاون".

 

ئەو ژن و پیاوە کرێچى بوون و لەنهۆمى سێیەمى خانویەکدا لەبەکرەجۆ دەژیان، ژنەکە لەئارایشتگا کاریکردووە و پیاوەکەش شۆفێرى تەکسى بووە،  خاوەنى کوڕ و کچێکن، کوڕەکەیان تەمەن 17 ساڵە.

رووداوەکە کاتژمێر 9:30 ى شەوى رابردوو روویدا و پیاوەکە دواى رووداوەکە هەڵهات، بەڵام پۆلیس توانى بیدۆزێتەوە و دەستگیرى بکات.

 

سەرکەوت ئەحمەد وتى "لەماوەى سێ کاتژمێردا توانیمان پیاوەکە دەستگیر بکەین و ئێستا لەزینداندایە و دانى بەتاوانەکەیدا ناوە".