گه‌ڕان

Shadow Shadow
سیاسه‌تی

وردەکاریى

پێشبینییەک بۆ دابەزینى پلەکانى گەرما و فێنک بوونى کەشوهەوا

2021.06.08 - 10:52
App store icon Play store icon Play store icon
پێشبینییەک بۆ دابەزینى پلەکانى گەرما و فێنک بوونى کەشوهەوا

ناس کورد-

پێشبینییە کەشناسییەکان ئاماژە بەوە دەکەن، کەشوهەوای عێراق بەگشتی و هەرێمی کوردستان بەتایبەتی لەماوەی داهاتوودا بەفێنکی بمێنێتەوە و پلەکانی گەرماش لەتێکرا ئاساییەکانی خۆیان جێگیربن.

 

کەناڵی ناس کورد لە تێلیگرام جۆین بکە   

 

حسێن ئەسەدی،کەشناسی دیاری عێراقی ( 8ی حوزەیرانی 2021) لە بڵاوکراوەیەکدا ئاماژەى بەوە کرد "چالاکی بای باکوریی ڕۆژئاوا کەناسراوە بە (البوارح) لە ئەمڕۆوە جارێکی دیکە دەستپێدەکاتەوە کە ئەوەش وادەکات بۆ ماوەی هەفتەیەکی دیکە کەشوهەوای عێراق بەگشتی فێنک بێت".

 

وتیشی "هەڵکردنی ئەو با-یە،کاریگەری بەرچاوی دەبێت لەسەر پلەکانی گەرما، بۆیە پێشبینی دەکرێت پلەکانی گەرما لەتێکرا ئاساییەکانی خۆیان بمێننەوە لەوە زیاتر بەرز نەبنەوە".

 

هاوکات ئاراس جەبار، شارەزای بواری کەشناسی لەهەرێمی کوردستان لەو بارەیەوە لە ڕاگەیەندراوێکدا کە وێنەیەکی دەست "ناس کورد" کەوتووە ڕایگەیاند "لەئەنجامی کاریگەری بەردەوامی بارستە ھەوای فێنک لەسەر ناوچەکانمان ئەمڕۆ (سێشەممە) پلەکانی گەرما بەراورد بەدوێنێ بەرێژەی پلە یەک تا دوو پلەی سیلیزی روو لەبەرزبوونەوە دەکاتەوە".

 

دەشڵێت "پلەکانی گەرما لەسەنتەری پارێزگاکان لەنێوان 36 بۆ 38 پلەی سیلیزی ئەبێت لە ناوچەکانی گەرمیان لەنێوان 38 بۆ 41 پلەی سیلیزی ئەبێت".

 

ئاماژەی بەوەشکرد "ئاسمانی ناوچەکە ساماڵ ئەبێت و خێرایی با ئاسایی ئەبێت بەخێرایی 10 بۆ 15 کیلۆمەتر دەبێت لە کاتژمێریکدا لە ئاراستەی باکوریی رۆژئاواوە. کاریگەری ئەم بارستە ھەوایە تا کۆتای ھەفتە و رۆژی ھەینی لەناوچەکەدا ئەمێنێتەوە بەم شێوەیەش پلەکانی گەرما لەم ماوەیەدا لە خوار تێکرای ئاسایی خۆیەوە ئەبێت.