گه‌ڕان

Shadow Shadow
سیاسه‌تی

وەزارەتی پێشمەرگە بڕیاری دا بە بەستنی شایستە داراییەکانی پلەبەرزکردنەوە

2021.06.07 - 23:31
App store icon Play store icon Play store icon
وەزارەتی پێشمەرگە بڕیاری دا بە بەستنی شایستە داراییەکانی پلەبەرزکردنەوە

ناس کورد-

وەزارەتی پێشمەرگە بڕیاری دا بە بەستنی شایستە داراییەکانی پلەبەرزکردنەوە بۆ پلەداران و کارمەندانی وەزارەتەکە.

کەناڵی ناس کورد لە تێلیگرام جۆین بکە   

 

سەرچاوەیەکی ئاگادار لە وەزارەتەکە بە مەرجی ناونەهێنانی بە "ناس کورد"ی وت، بڕیارەکە خشتەی پلەبەرزکردنەوەی ساڵەکانی 2017 و 2018 و 2019 دەگرێتەوە".

 

دەشڵێت، "ئەو پێشمەرگانەی لەم ساڵانەدا پلەیان بەرزبووەتەوە لە لیستی مووچەی مانگی 2021/6دا پارەکانیان بۆ دەخریتە سەر موچەکانیان ."

 

حکومەتی هەرێمی کوردستان لە 23ی ئابی 2020، بڕیاری دا بە پلەرزکردنەوەی پێشمەرگە بۆ ساڵەکانی 2016 و 2017 کە بۆ چەند ساڵێک بوو وەستابوو.

 

هاوکات وەزارەتی ناوخۆی حکومەتی هەرێم فەرمانی پلەبەرزکردنەوەی بۆ بەشێک لە ئەفسەران و کارمەندانی وەزارەتەکە بۆ ئەمساڵ دەرکرد.

 

لە نوسراوێکی وەزارەتی ناوخۆی هەرێمدا کە (17ی ئایاری 2021) دەرچووە، تیایدا هاتووە، "بڕیاردرا بە بەرزکردنەوەی پلەی ئەو ئەفسەرانەی ناو و پلەیان لە لیستی هاوپێچدا هاتووە."

 

بەگوێرەی نوسراوەکە، "ژمارەی ئەو کەسانە پێکهاتوو لە 356 کەس."