گه‌ڕان

Shadow Shadow
سیاسه‌تی

وردەکاریى

ڕوانگە: لە ئاهەنگەکانى سەرکەوتنى ئەسەد هەزاران توشى کۆرۆنا بوون

2021.06.07 - 15:24
App store icon Play store icon Play store icon
ڕوانگە: لە ئاهەنگەکانى سەرکەوتنى ئەسەد هەزاران توشى کۆرۆنا بوون

ناس کورد-

ڕوانگەى سورى بۆ مافەکانى مرۆڤ ڕایگەیاند، لەچەند ڕۆژى ڕابردوودا بەهۆى ئاهەنگەکانى سەرکەوتنى بەشار ئەسەد بۆ سەرۆکایەتى نوێى سوریا دەیان هەزار توشبووى دیکەى ڤایرۆسى کۆرۆنا تۆمارکران.

 

کەناڵی ناس کورد لە تێلیگرام جۆین بکە   

 

ڕوانگەکە (7ى حوزەیرانى 2021) لەسەر زارى سەرچاوە پزیشکیەکانەوە بڵاوى کردەوە، لەو ماوەیەدا کە قەرەباڵغیەکان دروستبووە زیاتر لە 90 هەزار توشبووى کۆرۆنا تۆمار کراوە بەتایبەت لەدیمەشق و ریفى دیمەشق و هەروەها شارەکانى حەمس و حەمما و تەرتووش و لازقیە و حەلەب، بەهۆى ئەوەى لەو شارانەدا تێکەڵاوى لەئاهەنگەکانى هەڵبژاردنەکە دروست بووە و ڕێکارەکان نەگیراونەتە بەر.

 

باس لەوەش کراوە، لەچەند ڕۆژى ڕابردوودا بەشار ئەسەد، سەرۆکى سوریا جارێکى تر سەرکەوتنى لەهەڵبژاردنى سەرۆکایەتى کە لە 26ى مانگى ڕابردوو بەڕێوەچوو بەڕێژەى 95% بەدەستهێنانى دەنگەکان ڕاگەیاند و ئەوەش بووە هۆى ئاهەنگێڕان و گردبوونەوەى جەماوەرى بەهەزاران کەس لەشوێنە قەرەباڵغەکان و ئەوەش مەترسیەکى ترى بۆ دۆخى پەتاکە لەو وڵاتەدا زیاد کرد.

 

بەپێى ئامارەکانى ڕوانگەکەش کە لەسەرچاوە پزیشکیەکانەوە وەری گرتووە، لەناوچەکانى ژێر دەسەڵاتى بەشار ئەسەد لەسوریا ژمارەى توشبووان بەڤایرۆسى کۆرۆنا گەیشتووەتە نزیکەى ملیۆن و نیوێک و زیاتر لە 25 هەزار کەسیش بەو هۆیەوە مردوون.



پێشتریش ڕۆژنامەى گاردیانى بەریتانى بڵاوى کردەوە، لە 90 % هاوڵاتیانى سوریا لەناوچەکانى ژێر دەسەڵاتى بەشار ئەسەد و چەند ناوچەیەکى هەسەدە بەدەست هەژارییەوە دەناڵێنن و دواى ساڵێک لەسەرهەڵدانى پەتاکەش هێشتا تاقیگەى پێویستى پزیشکى و چەند کەرەستەیەکى ترى پزیشکى لەبەردەستتدا نیە بۆ هەڵسەنگاندنى دۆخى تەواوى پەتاکە.