گه‌ڕان

Shadow Shadow
سیاسه‌تی

زانیارى زیاتر

وردەکاریى تەقەکردنەکەى ئێوارەى ئەمڕۆى ناو بازاڕى تەکیە و برینداربوونى دوو کەس

2021.06.04 - 20:13
App store icon Play store icon Play store icon
وردەکاریى تەقەکردنەکەى ئێوارەى ئەمڕۆى ناو بازاڕى تەکیە و برینداربوونى دوو کەس

ناس کورد- هەڤاڵ غالب

بەڕێوەبەرى ناحیەى تەکیە بە وەکالەت وردەکاریى تەقەکردنەکەى ئەم ئێوارەیەى ناو بازاڕى تەکیەى سەر بە قەزاى چەمچەماڵ بۆ ناس کورد ئاشکرا دەکات کە بووە هۆى بریندار بوونى دوو کەس.

 

کەناڵی ناس کورد لە تێلیگرام جۆین بکە   

 

وریا سەعید، بەڕێوەبەری ناحیەی تەکیە بەوەکالەت (4ى حوزەیرانى 2021) بە "ناس کورد"ى راگەیاند "ئێوارەی ئەمڕۆ لەناو بازاڕی تەکیە لەنێوان دوو کەسدا شەڕ ڕوویداوە و بەهۆیەوە تەقە کراوە".

 

 وتیشی "هێزەکانی پۆلیسمان ڕاسپاردووە لێکۆڵینەوە لەڕووداوەکە دەکەن و تا ئێستا وردەکاری هۆکاری ڕووداوەکە دیارنیە".

 

جەختیشى کردەوە "ئەو کەسانەی برینداربوون بەشێک نەبوون لە شەڕەکە و لەناو بازاڕ فیشەکیان بەرکەوتووە".

 

(ناس کورد) زانیوویەتى شەڕەکە لەنێوان زاوا و خەزورەکەیدا بەهۆى کێشەیەکى کۆمەڵایەتى روویداوە و لە ئەنجامى تەقەکردنیان دوو شۆفێر کە بەشێک نەبوون لە کێشەکە بریندار بوون و تائێستاش هیچ یەکێک لە تەقەکەرەکان دەستگیر نەکراوون.