گه‌ڕان

Shadow Shadow
سیاسه‌تی

بزانە مەرجەکەی چییە

محەمەدی حاجی مەحمود بە مەرجێک خۆی بۆ پۆستی سەرۆکی هەرێم کاندید دەکات

2021.05.31 - 09:56
App store icon Play store icon Play store icon
محەمەدی حاجی مەحمود بە مەرجێک خۆی بۆ پۆستی سەرۆکی هەرێم کاندید دەکات

ناس کورد-

محەمەدی حاجی مەحمود، سکرتێری حیزبی سۆسیالیست دیموکراتی کوردستان ڕایگەیاند، ئەگەر سەرۆکی هەرێم لەناوی خەڵکەوە هەڵبژێردرێت، ئامادەیە خۆی بۆ سەرۆکی هەرێم کاندید بکات.

کەناڵی ناس کورد لە تێلیگرام جۆین بکە   

 

محەمەدی حاجی مەحمود، سکرتێری حیزبی سۆسیالیست دیموکراتی کوردستان (دووشەممە 31ی ئایاری 2021)  بە "دەنگی ئەمەریکا"ی ڕاگەیاند، "ئەگەر لە دەستوردا بڕیار بدرێت سەرۆک لە ناو خەڵکدا هەڵبژێردرێت ئامادەم خۆم کاندید بکەم بۆ پۆستی سەرۆکی هەرێم."

 

ئاماژەی بەوەشکردووە، " پێمانوایە سیستەمەکە دەتوانرێت پەرلەمانی بێت، بەڵام ئەگەر سەرۆک لەناو خەڵکی هەرێمی کوردستاندا هەڵبژێردرێت یەکەم دیموکراتی زیاترە، دووەم مافی هەموو تاکێکی خەڵکێکی کوردستان پێشێل ناکرێت ڕێگەی لێبگیرێت دەنگ بدات، واتە پەرلەمان ڕەنگە نوێنەری هەموو خەڵکی هەرێمی کوردستان نەبێت بۆچی پەرلەمان بە 111 کەسەوە سەرۆک هەڵبژێرێت، ئەی بۆ میللەتێکی سێ ملیۆنی دەنگ نەدات بۆ سەرۆکەکەی خۆی، دووەم ساڵانی پێشوو کە سەرۆک لە ناو خەڵکدا هەڵبژێردرا زیاتر لە 20 کەس خۆی کاندید دەکرد بۆ سەرۆکایەتی، بەڵام ئێستا ئەگەر لە ناو پەرلەمان بێت جگە لە یەکێتی نیشتیمانی کوردستان و پارتی دیموکراتی کوردستان هیچ کەسێک ناتوانێت خۆی کاندید بکات واتە مافی هەموو ئەو خەڵکە پێشێل دەکرێت. "

 

 

سەبارەت بە پرسی دەستور، محەمەدی حاجی مەحمود باسی لەوەکردووە، " دەستور بەشێکە لە خەبات و بەشێکە لە داواکانی خەڵکی کوردستان چۆن ئێمە لە حکومی زاتیەوە چوین بۆ فیدڕاڵی، دەستوریش یەکێکە لەو قۆناغانە کە پێویستە بۆ ئەم وڵاتە بۆ نموونە شەش ملیۆن کەس دەتوانێت بەبێ دەستور کە مەرجەعیەتێکی نەبێت بگەڕێتەوە بۆی، دەتوانێت بەڕێوەبچێت! واتە خێزان دەستوری هەیە، حیزبێک هەیە، پەیڕەوەی ناوخۆی هەیە واتە دەستور، حیزبێک هەیەتی و ڕێکخراوێک هەیەتی، ئەی بۆ میللەتێک نەیبێت."

 

جەختیشیکردووەتەوە، "ماوەی سی ساڵە ئەم هەرێمە هەندێکی بە مەزاج ڕۆیشتووە و هەندێکیشی گەڕاونەتەوە بۆ دەستورەکانی کاتی بەعس و کاتی پاشایەتی."

 

محەمەدی حاجی مەحمود ئەوەشی خستووەتەڕوو، " من پێموایە کۆمەڵێک کێشەمان هەیە لە هەرێمی کوردستان ئێستا حیزبەکان خۆیان پێیان خۆشە دەستور نەبێت و خۆیان بڕیار بدەن لەجیاتی دەستور ئەگەر دەستور هەبوو ئەوکاتە حیزبەکان ناچارن ئیلتزامی پێوەبکەن واتە ئەوکاتە قەزا ودادگاکان دەتوانن ڕۆڵ ببینن، ئەو حیزبەی پابەند نەبێت بەبڕیارەکانی دەستورەوە، ئەوانە دەتوانن چوارچێوەی سنورداربکەن."

 

محەمەدی حاجی مەحمود ڕەتیکردووەتەوە باسکردنی دەستور پەیوەندی هەبێت بە بابەتی ڕیکلامی هەڵبژاردن و ئاماژەی بەوەکردووە، " باوەڕناکەم، بەڵام ڕەنگە ڕێگری هەبێت لەناودەستوردا، یەکەم حیزبەکان پێیانخۆش نییە دەستور هەبێت بۆئەوەی خۆیان لەجیاتی دەستور بڕیاربدەن واتە خۆیان کۆببنەوە و لەجیاتی دەستور بڕیاربدەن، ڕەنگە یەکێک لەوانە پەیوەندی بەسنوری هەرێمی کوردستانەوە هەبێت ڕەنگە ئەوە یەکێک لەخاڵەکان بێت کە ڕێگربێت."