گه‌ڕان

Shadow Shadow
سیاسه‌تی

میدیای پارتی چی دەڵێت؟

ڕاگەیەنراوی شانەی ئەمنیی عێراق لەبارەی ئەو موشەکە ئامادەکراوانەی دەستی بەسەردا گیرا

2021.05.31 - 09:28
App store icon Play store icon Play store icon
ڕاگەیەنراوی شانەی ئەمنیی عێراق لەبارەی ئەو موشەکە ئامادەکراوانەی دەستی بەسەردا گیرا

ناس کورد-

شانەی راگەیاندنەکانی ئەمنیی عێراق دەستبەسەرداگرتنی پێنج موشەکی لە ناوچەی ئاڵتون کۆپری ڕاگەیاند، کە ئامادەکرابوون بۆ تەقاندن، میدیاکانی نزیک لە پارتیش دەڵێن، موشەکەکان ئامادەکرابوون بۆ ئەوەی ئاڕاستەی هەولێر بکرێن.

 

کەناڵی ناس کورد لە تێلیگرام جۆین بکە   

 

شانەکە لە ڕاگەیەنراوێکدا (دووشەممە 31ی ئایاری 2021) ڕایگەیاند، بە پشت بەستن بە زانیارییە هەواڵگرییەکانی دەزگای دژە تیرۆری فیدراڵی و بنکەی پۆلیسی ئاڵتون کۆپریی سەربە پۆلیسی کەرکوک، دەست بەسەر پێنج موشەک و سەکۆی هاویشتنی موشەکدا گرتووە.

 

ئاماژەی بەوەشکردووە، "ئەو موشەکانە ئامادە بوون لە گوندێکی سەر بە ناحیەی ئاڵتون کۆپری سەر بە پارێزگای کەرکوک بتەقێنرێن، بەڵام کارەکە پوچەڵ کراوەتەوە."

 

لەگەڵ ئەوەی شانەی ئەمنیی عێراق هیچ زانیارییەکی دەربارەی ئەوە ئاشکرا نەکردووە کە ئەو موشەکانە بە چ ئامانجێک دانراون و ویستراوە کوێی بکرێتە ئامانج، بەڵام میدیاکانی نزیک لە پارتی دیموکراتی کوردستان دەڵێن، موشەکەکان بە ئاڕاستەی هەولێر دانراون و ویستراوە هەولێری پێ بکرێتە ئامانج.