گه‌ڕان

Shadow Shadow
سیاسه‌تی

وردەکاریى

لێدوانى تەندروستى عێراق لەبارەى تۆمارکردنى توشبووانى (کەڕوى ڕەش)

2021.05.31 - 08:57
App store icon Play store icon Play store icon
لێدوانى تەندروستى عێراق لەبارەى تۆمارکردنى توشبووانى (کەڕوى ڕەش)

ناس کورد-

وەزارەتى تەندروستى عێراق راگەیەندراوێکى لەبارەى بوونى توشبووى (کەڕوى ڕەش) بڵاوکردەوە و رەتیکردەوە هیچ توشبوویەک بەو نەخۆشییە بوونى هەبێت لەعێراق.

 

کەناڵی ناس کورد لە تێلیگرام جۆین بکە   

 

عەبدولئەمیر حلفی، بەڕێوەبەرى فەرمانگەى گشتى تەندروستى (31ى ئایارى 2021) ئاماژەى بەوە کرد، هیچ توشبوویەک بە (کەڕوى ڕەش) بەتایبەتى لەنێو ئەو هاووڵاتیانەى کە لەوڵاتى هیندستان گەڕاونەتەوە، تۆمارنەکراوە.

 

وتیشى، (کەڕوى ڕەش) نەخۆشییەکى زۆر دەگمەنە و دووچارى ئەو کەسانە دەبێت کە بەرگری لەشیان نییە و نەخۆشییەکە هیچ پەیوەندییەکى بە ڤایرۆسى کۆرۆناوە نییە.

 

ڕونیشیکردەوە، نەخۆشی (کەڕوى ڕەش) بەهۆى پیسى ناوچە گوندنشینەکانەوە دروست دەبێت.

 

بەوتەى ئەو بەرپرسەى وەزارەتى تەندروستى عێراق، دەرکەوتنى توشبووانى ئەو نەخۆشییە لە وڵاتى هیندستان بەهۆى پابەندنەبوون بە پاکوخاوێنییەوە بووە.