گه‌ڕان

Shadow Shadow
سیاسه‌تی

زانیارى و وردەکاریی

’’تاتۆیەکى لەسەرە’’..تەرمى ژنێک لەگۆڕستانێکى سلێمانى دۆزرایەوە

2021.05.30 - 22:47
App store icon Play store icon Play store icon
’’تاتۆیەکى لەسەرە’’..تەرمى ژنێک لەگۆڕستانێکى سلێمانى دۆزرایەوە

ناس کورد-

 

تەرمى ژنێک لە گۆڕستانێکى سلێمانى بە فرێدراوى دۆزرایەوە و تا ئێستا ناسنامەى دیار نییە و پزیشکى دادیش سەرقاڵى لێکۆڵینەوەیە لەو بارەیەوە.

کەناڵی ناس کورد لە تێلیگرام جۆین بکە   

 

سامان نادر بەڕێوەبەرى سەنتەرى فریاکەوتنى خێراى سلێمانى بە "ناس کورد" ى راگەیاند، تەرمەکە لە گۆڕستانى سەیوان دۆزراوەتەوە و هیچ ناسنامەیەکى پێ نییە و رەوانەى پزیشکى داد کراوە.

 

بەپێی لێکۆڵینەوەکانى پزیشکى داد، ژنەکە ئاسەوارى فیشەک بەجەستەوەیە نییە و تەمەنى لەنێوان 35-40 ساڵدایە.

 

لاى خۆیەوە، سەرچاوەیەک لە پزیشکى دادى سلێمانى بە "ناس کورد" ى راگەیاند، تەرمەکە بێ ناسنامەیە، بەڵام بۆیان دەرکەوتووە ژنێکى بێلانەیە و لەو ناوچەیە ماوەتەوە.

 

وتیشى "تەرمەکە تاتۆیەکى لەسەرە کە کوردییە و روون بووەتەوە کە بیانى نییە".