گه‌ڕان

Shadow Shadow
سیاسه‌تی

ئاگاداریه‌ك له‌ هاتوچۆی سلێمانییه‌وه‌.. لە دووسبەیەوە ئەم گۆڕانکارییە جێبەجێ دەکرێت

2021.05.30 - 13:31
App store icon Play store icon Play store icon
ئاگاداریه‌ك له‌ هاتوچۆی سلێمانییه‌وه‌.. لە دووسبەیەوە ئەم گۆڕانکارییە جێبەجێ دەکرێت

ناس کورد

بەڕێوەبەرایەتی هاتوچۆی سلێمانی خستنەکاری گرێبەستی ئەلکترۆنی بۆ مامەڵەی کڕین و فرۆشتنی ئۆتۆمبێل ڕاگەیاند و بەگوێرەی بڕیارەکە، پێویستە لەماوەی یەک مانگدا ڕێکاری گواستنەوەی خاوەندارێتی ئۆتۆمبێل ئەنجام بدرێت.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی هاتوچۆی سلێمانی (یەکشەممە 30ی ئایاری 2021) ڕایگەیاند، " ئاگاداری سه‌رجه‌م پێشه‌نگه ‌و كۆمپانیاكانی كڕین و فرۆشتنی ئۆتۆمبێل ده‌كات كه‌ له‌ رۆژی 1-6-2021 بڕیاری كاركردن به‌ گرێبه‌ستی ئه‌لیكترۆنی ده‌خرێته‌ كار بۆ كڕین و فرۆشتنی ئۆتۆمبێل."

 

ئاماژەی بەوەشکردووە، " ئه‌مه‌ وه‌ك هه‌نگاوێكە بۆ ئاسانكاری و گواستنه‌وه‌ی خاوه‌ندارێتی ئۆتۆمبێل له‌ماوه‌ی یه‌ك مانگدا."

 

ئەوەشی خستووەتەڕوو، "پێویسته‌ پێشه‌نگه ‌و كۆمپانیایه‌كان تا رۆژی 15-6-2021 خۆیان له‌گه‌ڵ سیستمی گرێبه‌ستی ئه‌لیكترۆنی بگونجێنن به‌پێچه‌وانه‌وه‌ له‌ به‌ڕێوه‌به‌رایه‌ته‌كانی هاتوچۆ مامه‌ڵه‌كانیان كاری پێناكرێت."