گه‌ڕان

Shadow Shadow
سیاسه‌تی

بەپەلە

بەشێک لە پێشمەرگەکانی لیوای 12ی پیادە هۆشداری بە حکومەت دەدەن

2021.05.29 - 16:38
App store icon Play store icon Play store icon
بەشێک لە پێشمەرگەکانی لیوای 12ی پیادە هۆشداری بە حکومەت دەدەن

 ناس کورد-

دژی پێنەدانی سەرجەم موچەکانیان بەشێک لە پێشمەرگەکانی لوای 12ی پیادەی هێزەکانی پێشمەرگە خۆپیشاندانێکیان لە سنوری چوارقوڕنە ئەنجامدا و هۆشداری دەدەن کە ئەگەر کێشەکەیان بۆ چارەسەر نەکەن، ناچارن ڕێگای دیکە بگرنەبەر.

کەناڵی ناس کورد لە تێلیگرام جۆین بکە   

 

نوێنەری خۆپیشاندەران بەیاننامەیەکی خوێندنەوە و تیایدا هاتووە، "داوا دەکەین بە زووترین کات مافە داراییەکانمان پێبدرێت."

 

ئاماژە بەوەشدەکەن، لیوای 12 کە پێکهاتووە لە زیاتر لە دوو هەزار پێشمەرگە، ئەگەر بزانن بەمشێوەیە مافەکانیان پێنادەن، ئەوا ناچارن ڕێگای دیکە بگرنەبەر.

 

ئەوەشیان خستەڕوو، لە مافەکانیان بێدەنگ نابن و ڕۆژی یەکشەممەش لە بەردەم وەزارەتی پێشمەرگە لە هەولێر خۆپیشاندان دەکەن بۆ وەرگرتنەوەی مافەکانیان.

 

لەئێستادا کە لیوا هاوبەشەکانی پێشمەرگە موچەکانیان لەلایەن هاوپەیمانانەوە بۆ دابین دەکرێت، بەهۆی چەند گرفتێکەوە لەماوەی ڕابردوودا بودجەکەیان لەلایەن هاوپەیمانانەوە ڕاگیرا.

 

لە چەند ڕۆژی ڕابردوودا کە لیوا هاوبەشەکان سێ موچەیان بەسەریەکەوە پێدرا، لیوای 12 تەنها یەک موچەیان پێدرا.