گه‌ڕان

Shadow Shadow
سیاسه‌تی

وردەکاریى

عەلى باپیر: لەداهاتی ئەم وڵاتە خۆمان بەخاوەن پشک دەزانین بەڵام پێمان نادرێت

2021.05.26 - 23:40
App store icon Play store icon Play store icon
عەلى باپیر: لەداهاتی ئەم وڵاتە خۆمان بەخاوەن پشک دەزانین بەڵام پێمان نادرێت

ناس کورد-

عەلی باپیر، سەرۆکی کۆمەڵی دادگەریی کوردستان ڕایگەیاند، ئەگەر پارتی و یەکێتی بەبێ بەرانبەر پشکیان پێی بدەن ئەوان وەریدەگرن، دەشڵێت "لەداهاتی ئەم وڵاتە خۆمان بەخاوەن پشک دەزانین، بەڵام پێمان نادرێت".

 

کەناڵی ناس کورد لە تێلیگرام جۆین بکە   

 

عەلی باپیر، (26ی ئایاری 2021) لەمیانەی چاوپێکەوتنێکیدا لەگەڵ کەناڵی ڕوداو، لەوەڵامى پرسیارێکدا سەبارەت بە بودجەى حزبەکەیان و دەنگۆى وەرگرتنى پارە لەلایەن پارتى و یەکێتییەوە وتی "ئێمە خۆمان بەخەڵکی ئەم وڵاتە دەزانین و داهاتی کوردستان بە میرات نەماوەتەوە بۆ یەکێتی و پارتی".

 

وتیشی "کۆمەڵی دادگەریی لە ساڵانی ڕابردودا هاوشێوەی پارتە سیاسییەکانی دیکەی هەرێم بودجەیەکی بۆ تەرخانکرابوو هەرچەندە کەمیش بوو لەچاو ئەوانی تردا،بەڵام  بەمافی ڕەوای خۆمانمان دەزانی".

 

عەلی باپیر جەختیشکردەوە "هەر لایەنێک هاوکاریمان بکات بەبێ بەرانبەر ئێمە سوپاسی دەکەین، لەئێستادا ئەو پشکەی کەدەبێت پێمان بدرێت لەبودجەی کوردستان پێمان نادرێت، بۆیە ئەوە بە ستەمی دادەنێین و لەئێمەی دەکەن".