گه‌ڕان

Shadow Shadow
سیاسه‌تی

موچەی پێشمەرگە

هێزەکانى 70ی یەکێتى لەسەر جیاکردنەوەى موچەکانیان لە هێزەکانى پارتی ڕوونکردنەوە دەدات

2021.05.26 - 11:36
App store icon Play store icon Play store icon
هێزەکانى 70ی یەکێتى لەسەر جیاکردنەوەى موچەکانیان لە هێزەکانى پارتی ڕوونکردنەوە دەدات

ناس کورد-

وتەبێژى هێزەکانى 70ی یەکێتى جیاکردنەوەى موچەکانیان لەگەڵ هێزەکانى 80ی پارتى ڕەت دەکاتەوە، ئەوەش لە وەڵامى فراکسیۆنى پارتیدا کە یەکێتى بە جیاکردنەوەى موچەى ئەو دوو هێزە تۆمەتبارکرد.

کەناڵی ناس کورد لە تێلیگرام جۆین بکە   

 

ئەحمەد لەتیف، وتەبێژى هێزەکانى 70ی یەکێتى ئەمڕۆ چوارشەممە (26ى ئایارى 2021) بە "ناس کوردى" ڕاگەیاند، "ئەو دەنگۆیەى کە باس لە جیاکردنەوەى موچەى هێزەکانى 70 و 80ی سەر بە یەکێتى و پارتی دەکات گوایە حیزبەکانیان بۆ لەمەودوا موچەکانیان دابین بکەن دوورە لەڕاستیەوە هیچ بڕیارێک بۆ ئەوکارە نییە".

 

وتیشى، "هێزەکانى 70 و 80 لەلایەن وەزارەتى داراییەوە موچەیان بۆ دابین دەکرێت و هەروەکو ڕابردوو دەبێت".

 

پێشتر بەهمەن کاکە عەبدوڵا بڕیاردەرى فراکسیۆنى پارتى لەپەرلەمانى کوردستان لە چاوپێکەوتنێکدا لەگەڵ تەلەفزیۆنى فەرمى حزبەکەى کە "ناس کورد" بینیویەتى وتى "هێزەکانى 70و 80 تەنها تەمویلى موچەکانیان لەیەک سەرچاوەوە دەهات، ئێستا ئەوەش جیاکرایەوە".

 

وتیشى، "ئەو تەمویلە یەکێتى دەڵێت نایدەین بە حکومەت و خۆمان موچە بە هێزەکانى 70 دەدەین".

 

زیاتر بخوێنەوە: فراکسیۆنى پارتى: موچەى هێزەکانى پارتى و یەکێتى جیاکرایەوە

 

لەدواى گۆڕانکاریی لە لیستى موچەى فەرمانبەرانى هەرێم بە پاساوى کەمى داهات، شەرێکى راگەیاندنى توند لەنێوان پارتى و یەکێتى دەستیپێکردووەو یەکترى بە هۆکارى پێنەدانى موچە تۆمەتبار دەکەن.

 

پارتى یەکێتى تۆمەتباردەکات بەوەى داهاتى سلێمانى نەگەڕاندووەتەوە بۆ حکومەت، ئەوەش بە هۆکارى دواکەوتنى موچە دادەنێت، یەکێتیش حکومەت تۆمەتبار دەکات و جەخت لە رادەستکردنى داهاتى سلێمانى دەکاتەوە.