گه‌ڕان

Shadow Shadow
سیاسه‌تی

وردەکاری بخوێنەوە

زیاتر لە 20 پەرلەمانتارى عێراق ’’بەتۆمەتى گەندەڵى دەستگیر دەکرێن’’

2021.05.26 - 09:10
App store icon Play store icon Play store icon
زیاتر لە 20 پەرلەمانتارى عێراق ’’بەتۆمەتى گەندەڵى دەستگیر دەکرێن’’

ناس کورد-

ڕۆژنامەیەکى عێراقى ئاشکرای کرد، بڕیارەکەى دادگاى فیدراڵى بۆ هەڵگرتنى پارێزبەندى لەسەر پەرلەمانتارە تۆمەتبارەکان، هەڵکردنى گڵۆپى سەوزە بۆ دەستگیرکردنى زیاتر لە 20 پەرلەمانتارى تۆمەتبار بە گەندەڵى.

کەناڵی ناس کورد لە تێلیگرام جۆین بکە   

 

دوێنێ دادگاى باڵاى فیدراڵى عێراق ڕێگەى بە دادگاکاندا بێ گەڕانەوە بۆ پەرلەمان، فەرمانى دەستگیرکردنى ئەو پەرلەمانتارانە جێبەجێ بکات کە تۆمەتى بینراویان ئاڕاستەکراوە.

 

رۆژنامەى "ئەلمەدا" لە ڕاپۆرتێکدا بڵاویکردەوە، ئەو هەنگاوە ڕێگە خۆش دەکات بۆ دەستگیرکردنى زیاتر لە 20 پەرلەمانتار کە تۆمەتبارن بە گەندەڵى دارایی و ئیداریی بێ گەڕانەوە بۆ پەرلەمان.

 

بەهار مەحمود، ئەندامى لیژنەى یاسایی پەرلەمان دەڵێت، "بڕیارەکانى دادگاى فیدراڵى بنبڕن و دەبێت سەرجەم دەسەڵاتەکان پێوەى پابەندبن و پشتگوێی نەخەن".

 

داواشی کرد پارێزبەندى لەسەر سەرجەم سەرۆکایەتییەکان هەڵبگیرێت نەک تەنها لەسەر ئەندامانى پەرلەمان.

 

بەهار مەحمود باسى لەوەشکرد، ژمارەیەکى زۆرى پەرلەمانتاران پێشتر داواى هەڵگرتنى پارێزبەندیان لەسەر کراوە، بەڵام خۆیان کاندیدکردووەتەوە بۆ ئەوەى پارێزبەندیان لەسەر هەڵنەگیرێت و خۆیان لە لێپرسینەوەى یاسایی بدزنەوە.