گه‌ڕان

Shadow Shadow
سیاسه‌تی

شوێنی بەخاکسپاردنی بێهزاد مەحمودی دیاری کرا

2021.05.25 - 22:03
App store icon Play store icon Play store icon
شوێنی بەخاکسپاردنی بێهزاد مەحمودی دیاری کرا

ناس کورد-

نوێنەرایەتی سازمانی خەبات لە هەولێر ڕایگەیاند، کاتژمێر 9:30 خولەکی سەرلەبەیانی سبەینێ تەرمی بێهزاد مەحمود، ئەو گەنجەی لەبەردەم بارەگای نەتەوەیەکگرتووەکان لە هەولێر خۆی سوتاند بەخاک دەسپێردرێت.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا سازمانی خەبات (سێشەممە 25ی ئایاری 2021) ڕایگەیاند، "سبەینێ چوارشەممە کاتژمێر 09:30 خولەکی سەر لەبەیانی لە گۆڕستانی کەسنەزانی شاری هەولێر رێورەسمی بەخاک سپاردنی شەهید بێهزاد مەحمودی بەرێوە دەچێت."

 

ئاماژەی بەوەشکردووە، " بەشداریتان روحی ئەو شەهیدە جوانەمەرگە شاد دەکات و پشتیوانیە لە ویست و داواکارییەکانی شەهید بێهزاد و هەموو پەنابەرانی کوردستانی رۆژهەڵات لە هەرێمی کوردستان."

 

ئەوەشی خستووەتەڕوو، " دوانیوەرۆی هەمان رۆژ لە بارەگای سەرکردایەتی سازمانی خەبات-ی کوردستان لە ناحیەی رزگاری رێورەسمی پرسەکەی لە کاتژمێر 3:00 تا 5:00 بەڕێوەدەچیت."

 

ڕۆژی دووشەممە (18ی ئایاری 2021) لە دوای کاتژمیر 12:00 "بێهزاد مەحمودی" 26 ساڵ، لەبەردەم بارەگای نەتەوەیەکگرتووەکان لە هەولێر دەبەیەک بەنزینی کرد بە خۆیدا و لە پەخشی ڕاستەوخۆی چەند کەناڵێکدا خۆی سوتاند و دوای نزیکەی 30 خولەک لە کەوتنی لەسەر زەوییەکە لەلایەن ئەمبوڵانسێکی نەتەوەیەکگرتووەکان ڕەوانەی نەخۆشخانە کرا.