گه‌ڕان

Shadow Shadow
سیاسه‌تی

قائیمقامیەتی چەمچەماڵ لەبارەى کەمی ئاوی خواردنەوە: مەترسی کارەساتی مرۆیی هەیە

2021.05.25 - 21:25
App store icon Play store icon Play store icon
قائیمقامیەتی چەمچەماڵ لەبارەى کەمی ئاوی خواردنەوە: مەترسی کارەساتی مرۆیی هەیە

ناس کورد-

قائیمقامیەتی قەزای چەمچەماڵ هۆشداری دەدات لە خراپی بارودۆخی هاوڵاتیانی سنورەکە "بەهۆی کێشەی کەم ئاوییەوە، بەجۆرێک لە وەرزی هاویندا مانگانە دوو جار ئاو بەهاوڵاتیان دەدرێت و ئەوەش مەترسی کارەساتی مرۆیی و سەرهەڵدانی دەیان نەخۆشی هەیە."

کەناڵی ناس کورد لە تێلیگرام جۆین بکە   

 

قائیمقامیەتی قەزای چەمچەماڵ لە بانگەوازێکدا بۆ سەرجەم لایەنە پەیوەندیدارەکانی ناردووە (25ی ئایاری 2021) دەڵێت، "ئەو بڕە ئاوەی بە هاوڵاتیان دەدرێت زۆر کەمە و بەشی پێداویستیەکانی ڕۆژانەی هاوڵاتیان ناکات."

 

دەشڵێت، تاکە چارەسەری ئەو کێشەیەش جێبەجێکردنی پرۆژەی ئاوی گۆپتەپە- چەمچەماڵە کەبەهۆیەوە زیاتر لە ٢٠٠ هەزار هاوڵاتی لەتینوێتی ڕزگار دەکرێت و ناوەندی قەزا و ناحیەکانی شۆڕش و تەکیە و ئاغجەلەر و دەیان گوند سود لەو پرۆژەیە وەردەگرن.

 

 

 

دەقی بانگەوازەکە

بسم اللە الرحمن رحیم
"وجعلنا من الماء كل شيء حي"
بانگەواز و داواکاری
بۆ بەڕێزان
٭ سەرۆکی هەرێمی کوردستان
٭ سەرۆکی پەرلەمان کوردستان
٭سەرۆکی حکومەتی هەرێمی کوردستان
٭ جێگری سەرۆکی حکومەتی هەرێمی کوردستان
٭ وەزیری دارایی و ئابوری
٭ وەزیری شارەوانی و گەشت و گوزار
٭ وەزیری پلاندانان
وەک ئاگادارن لە خراپی بارودۆخی هاوڵاتیانی سنورەکەمان بەهۆی کێشەی کەم ئاوییەوە، بەجۆرێک لە وەرزی هاویندا مانگانە دوو جار ئاو بەهاوڵاتیان دەدرێت، ئەمەش مەترسی کارەساتی مرۆیی و سەرهەڵدانی دەیان نەخۆشی لە سنورەکەمان دەکرێت چونکە ئەو بڕە ئاوەی بەهاوڵاتیان دەدرێت زۆر کەمە و بەشی پێداویستیەکانی ڕۆژانەی هاوڵاتیان ناکات.
بەڕێزان ، وەک ئاگادارن چەندین نوسراومان ئاڕاستەی بەڕێزتان و سەرجەم لایەنە پەیوەندیدارەکان کردووە، هەمووانمان لەو مەترسیە ئاگادارکردووە، تاکە چارەسەری ئەو کێشەیەش جێبەجێکردنی پرۆژەی ئاوی گۆپتەپە- چەمچەماڵە کەبەهۆیەوە زیاتر لە ٢٠٠ هەزار هاوڵاتی لەتینوێتی ڕزگار دەکرێت و ناوەندی قەزا و ناحیەکانی شۆڕش و تەکیە و ئاغجەلەر و دەیان گوند سود لەو پرۆژەیە وەردەگرن، بۆیەداواکارین لەبەڕێزتان فریای خەڵکی سنورەکەمان بکەون و لەکێشەی کەم ئاوی ڕزگارمان بکەن.
ئەم داواکارییەشمان لە ڕابردوودا ئاراستەی لایەنە پەیوەندیدارەکان کردووە بەم ژمارە نوسراوانەی لای خوارەوە.
- نوسراوەکانی ژمارە ٢٢٨٧ لە ٥/ ٧/ ٢٠٢٠ و ١٢٤١ لە ٣١/ ٣/ ٢٠٢١ ئاراستەی سەرۆکایەتیەکانی هەرێم و پەرلەمان وحکومەت و وەزارەتە پەیوەندیدارەکان کراوە.
- نوسراوەکانی ٢٣٧٣ لە ١/ ٧ /٢٠١٩ و ١٠٤٦ لە ١٠/ ٣/ ٢٠٢٠ کە ئاراستەی پارێزگای سلێمانی کراوە.
- نوسراوی ی١ لە ١٧/ ٢/ ٢٠٢٠ کە ئاراستەی وەزارەتی شارەوانی کراوە.
- نوسراوی ٢٣٥٣ لە ١٣/ ٧/ ٢٠٢٠ کە ئاراستەی ئەنجومەنی نوێنەرانی عێراق کراوە.
قائیمقامیەتی قەزای چەمچەماڵ
٢٥ی ٥/ ٢٠٢١