گه‌ڕان

Shadow Shadow
سیاسه‌تی

وردەکاری

سلێمانى بەهێڵى شەمەندەفەرى رۆژهەڵاتەوە دەبەسترێتەوە

2021.05.24 - 18:12
App store icon Play store icon Play store icon
سلێمانى بەهێڵى شەمەندەفەرى رۆژهەڵاتەوە دەبەسترێتەوە

ناس کورد-

پارێزگارى سلێمانى ڕایگەیاند، چاوەڕوانن لە ئایندەیەکى نزیکدا بڕیارى پێویست بدرێت بۆ بەستنەوەى پارێزگاکە بە هێڵى شەمەندەفەرى ڕۆژهەڵاتى کوردستانەوە کە ماوەى سێ ساڵە کارى لەسەر دەکەن.

کەناڵی ناس کورد لە تێلیگرام جۆین بکە   

 

هەڤاڵ ئەبوبەکر کە ئەمڕۆ دووشەممە (24ی ئایاری 2021) بە سەردانێکى فەرمى گەیشتە ئێران، لە ڕاگەیەنراوێکدا کە وێنەیەکى دەست "ناس کورد" کەوتووە ئاماژەى بەوەکردووە، ئەمڕۆ سەردانی پڕۆژەکانی هێڵی ئاسنین و وێستگەی سەرەکیی شەمەندەفەری کوردستانیان کردوە لە سنە کە هێڵی نێودەوڵەتیی و نیشتمانیی ئێران لە هەمەدانەوە بە سنەو مەریوان و باشماخەوە دەبەستێتەوە.

 

وتیشى، وا بڕیارە لە ئایندەیەکی نزیکدا پڕۆژەکە تەواو بکرێت و بکەوێتەکار، وەک پارێزگاری سلێمانی لە ساڵی 2018ەوە لە هەوڵی بەردەوامدان بۆ بەستنەوەی سلێمانی و کوردستان بە هێڵی ئاسنینی ڕژهەڵاتی کوردستان و ئێرانەوە.

 

هەڤاڵ ئەبوبەکر هیواى خواستووە لە نزیکترین کاتدا بڕیاری پێویست لەو بارەیەوە بدرێت، بەتایبەتی کەلایەنی بەرامبەر ئامادەی هەموو کۆمەک و شتیوانییەکی ئەندازیاریی و تەکنیکیی و لۆجستیی و دارایشن.