گه‌ڕان

Shadow Shadow
سیاسه‌تی

زانیاریی زیاتر

لەبارەی کات و شوێنی بەخاک سپاردنی بێهزاد مەحمودی ڕوونکردنەوە دەدرێت

2021.05.24 - 15:13
App store icon Play store icon Play store icon
لەبارەی کات و شوێنی بەخاک سپاردنی بێهزاد مەحمودی ڕوونکردنەوە دەدرێت

ناس کورد-

لەدوای گیان لەدەستدانی بێهزاد مەحمودی، ئەو گەنجە ڕۆژهەڵاتییەی لە بەردەم بارەگای (UN) لە هەولێر خۆی سوتاند، نوێنەرایەتی سازمانی خەباتی ئێران لە هەولێر ڕایگەیاند، لە دوای تەواو بوونی ڕێكارە یاساییەكان كات و شوێنی  بەخاک سپاردنی بێهزاد بۆ ڕای گشتی ڕادەگەیەنن، بەرپرسێکی ئەو حزبەش دەڵیت، ئێران داوای کردووە تەرمەکەی بگەڕێنرێتەوە بۆ ئەو وڵاتە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا نوێنەرایەتی سازمانی خەباتی ئێران لە هەولێر (دووشەممە 24ی ئایاری 2021) ڕایگەیاند، "دۆستان و ئەندام و لایەنگرانی سازمانی خەباتی كوردستانی ئێران لە دوای ئەوەی شەوی ڕابردوود شەهید بێهزاد مەحمودی لە نەخۆشخانەی ئێمیرجینسی هەولێر دوا ماڵئاوایی لە هاوڕێ و هاورێبازانی كرد، ژمارەیەكی زۆر لە دۆستان پێوەندیان بە ئۆرگانەكانی سازمانی خەبات كردووە سەبارەت بە ڕێوڕەسمی ناشتن و پرسەو سەرەخۆشی شەهید بێهزاد پرسیاریان كردووە."

 

ئاماژەی بەوەشکردووە، " ئاگاداری هەموو لایەكی دەكەینەوە كە لە دوای تەواو بوونی ڕێكارە یاساییەكان كات و شوێنی ئەسپەردەكردن و ڕێوڕەسمی بەرز ڕاگرتنی شەهید بێهزاد بۆ ڕای گشتی ڕادەگەیەنین."

 

پێشتر ئەفسانە ڕەحیمی، بەرپرسی ئەندامانی خەبات لە هەولێر (دووشەممە 24ی ئایاری 2021) بە "ناس کورد"ی وت، "هێشتا تەرمی بێهزاد لە نەخۆشخانەیە و ڕێکارەکانی پزیشکی دادی تەواو نەبوون، ناشزانین لە کوێ بە خاکی بسپێرین و چاوەڕوانی یەکلایی بوونەوەی ئەوەین." 

 

وتیشی، "بەیانی ئەمڕۆ ئیتڵاعاتی ئێران دایک و باوکی بێهزادیان بانگهێشت کردووە و پێیان وتوون، تەرمی بێهزاد ببەنەوە بۆ ئێران و لەوێ بە خاکی بسپێرن، بەڵام ئەوە فێڵی ئیتڵاعاتە و هەر کە تەرمەکە گەیشتە سەر سنور یەکسەر دەیبەن و ڕێگە نادەن کەسوکارەکەی بە خاکی بسپێرن و گۆڕەکەی دیار بێت، ئەوەش بەهۆی ئەوەی بێهزاد پێشمەرگە بووە و دژی ڕژێمی ئێران بووە، پێشتر چەندین کاری دیکەی وا کراوە." 

 

وتیشی، "هەر لەبەر ئەوە کەسوکارەکەی نایانەوێت بیبەنەوە ڕۆژهەڵات و پێدەچێت هەر لێرە بەخاکی بسپێرین، بەڵام هێشتا نازانین لە کوێ." 

 

لەبارەی پرسی داواکانی پەنابەرانی ڕۆژهەڵات، ڕەحیمی ئاماژەی بەوەکرد، "دوێنێ یەکشەممە لەگەڵ نەتەوە یەکگرتووەکان کۆبووینەوە، بەڵام نەگەیشتینە هیج ئەنجامێک، بڕیارە یەکشەممەی داهاتوو جارێکی دیکەش کۆببینەوە و هیوادارین چارەسەرێک بۆ کێشەکان بدۆزرێتەوە." 

 

بێهزاد مەحمودی دوای ئەوەی لە ڕۆژی 18ی ئایار لە بەردەم بارەگای نەتەوە یەکگرتووەکان لە هەولێر ئاگری لە جەستەی خۆی بەردا، دوای شەش ڕۆژ مانەوەی لە نەخۆشخانە شەوی ڕابردوودا بەهۆی سەختی برینەکەی گیانی لەدەستدا.