گه‌ڕان

Shadow Shadow
سیاسه‌تی

پێشتر حزبوڵڵای عێراق هەڕەشەی کوشتنی لە حەلبوسی کردبوو

مەشعان جبوری: هەوڵی کوشتنی سەرۆکی پەرلەمانی عێراق دراوە

2019.06.14 - 18:30
App store icon Play store icon Play store icon
مەشعان جبوری: هەوڵی کوشتنی سەرۆکی پەرلەمانی عێراق دراوە

کەناڵی ناس کورد لە تێلیگرام جۆین بکە   

ناس کورد- مەشعان جبوری پەرلەمانتاری پێشووی عێراق و سەرکردەی هێزە سونییەکان ڕایگەیاند، کەوتنەخوارەوەی موشەکێک لە ناوچەی جادرییەی پایتەختی بەغدا گومانی لێدەکرێت محەمەد حەلبوسی، سەرۆکی پەرلەمانی کردبێتە ئامانج. . مشعان جبوری لە تویتێکدا ئاشکرایکردووە، سەرچاوە ئەمنییەکان گومانیان هەیە ئەو موشەکەی دوێنێ پێنجشەمم 13ی حوزەیران  لە ناوچەی "جادرییە"ی بەغدا کەوتەخوارەوە، محەمەد حەلبوسی، سەرۆکی پەرلەمانی کردبێتە ئامانج. . جبوری لە تویتەکەیدا  دەپرسێت، ئایا ئەمە هەمان ئەو کەسانەن کە پێشتر هەڕەشەیان لە حەلبوسی کردبوو و هەڕەشەکەیان جێبەجێ دەکەن؟ . ئەمە لەکاتێکدایە پێشتر میلیشیاکانی حزبوڵڵای عێراق بەهۆی هەڵوێستەکانی لە سەر ململانێ سیاسیەکانی ئەمریکا و ئێران هەڕەشەی کوشتنیان لە سەرۆکی پەرلەمانی عێراق کردبوو. . سەرەتای ئەم مانگە میدیا عێراقیەکان ئاشکرایان کرد، کە ژمارەیەک چەکداری حزبوڵڵای عێراق ئۆتۆمبێلی سکرتێری سەرۆکی پەرلەمان ڕادەگرن و نامەیەكی داخراو ئاڕاستەی حەلبوسی دەکەن، هەرچەندە تا ئێستا دەقی نامەکە بڵاونەكراوەتەوە، بەڵام بە قسەی سەباح كەربولی، ڕاوێژكاری حەلبوسی هەڕەشەی تێدا بووە سەبارەت بە هەندێك هەڵوێستی سیاسی حەلبوسی كە پەیوەندی بە گرژییەکانی ئێران و ئەمریکاوە هەیە. . بەپێی میدیا عێراقیەکان ، حەلبوسی هەڕەشەكەی بەجددی وەرگرتووە و پاسەوانی ماڵ و ئۆفیسەكەی خۆی زیاتر كردووە.   .