گه‌ڕان

Shadow Shadow
سیاسه‌تی

زانیارى زیاتر

شاسوار عەبدولواحید لەبارەى ئەنجامدانى خۆپیشاندان بانگەوازێک ئاراستەى لایەنەکان دەکات 

2021.05.23 - 22:10
App store icon Play store icon Play store icon
شاسوار عەبدولواحید لەبارەى ئەنجامدانى خۆپیشاندان بانگەوازێک ئاراستەى لایەنەکان دەکات 

ناس کورد- 

سەرۆکى جوڵانەوەى نەوەى نوێ بانگەواز بۆ خۆپیشاندانى سەرتاسەرى دەکات و داوا دەکات سەرجەم هێز و لایەنە ناڕازییەکان و هێزەکانى دەرەوەى یەکێتى و پارتى و گروپ و ڕێکخراوەکان و مامۆستایانى ناڕاى و سەرجەم گروپ و تاکە ناڕازییەکانى تر، بەشدارى تێدا بکەن.

 

کەناڵی ناس کورد لە تێلیگرام جۆین بکە   

 

شاسوار عەبدولواحید (23ى ئایارى 2021) لە بڵاوکراوەیەکدا بانگەوازێکى بۆ خۆپیشاندان ئاڕاستەى "سەرجەم هێز و لایەنە ناڕازییەکان، هێزە سیاسییەکانی دەرەوەی پارتی و یەکێتی، گروپ و ڕێکخراو و سەرجەم مامۆستایانی ناڕازی، هەموو گروپ و لایەن و تاکە ناڕازییەکانیتر" کرد.

 

لە بانگەوازەکەدا هاتووە، داواکارن لە هەمووان لەم دۆخە قورسەی فەرمانبەران و خەڵکی کوردستانی تێدایە و بۆ ئەوەی خۆپیشاندانەکان نەبنە خۆپیشاندانی حزبی و تاک لایەنە، رۆژی 25ی مانگ کاتژمێر 11 کۆبونەوەیەکی گشتی و سەرتاسەری ئەنجام بدرێت تایبەت بە دیاریکردنی کات و  بەڕێوەبردن و ئەنجامدانی خۆپیشاندانێکی سەرتاسەری گشتی لە هەرێمی کوردستان.

 

ئاماژەى بەوەشداوە، ئەوانەی پێیانوایە ئەمە موزایەدە یاخود بانگەشەی هەڵبژاردنە، هیوادارین پێش بکەون و بیکەنە بانگەشەیەکی شەریفانە بۆ خۆیان، ئەوانەشی پێیانوایە ئەمە دەبێتە خۆپیشاندانی حزبی ئەوە با بفەرموون و ئەوان هەڵسن بە کارەکە و ئێمە پشتیوانیان دەبین بە هەموو جۆرێک.

 

سەرۆکى جوڵانەوەى نەوەى نوێ باسى لەوەشکردووە، میلەتەکەمان و خەڵکی هەرێمەکەمان لە ئێستادا بە ئاشکرا زوڵمیان لێ دەکرێت و بە ئاشکرا مافیان دەخورێت، گەنجانێکی زۆرمان بێکارن و ژنان و ئافرەتانمان لە ماڵەوە بێ هەلی کار و بێ هیوا کراون، سەرباری ئەوەی داهاتی هەرێم لە ئێستادا دوو هێندەی  موچەی فەرمانبەرانە، کەچی هێشتا مووچە بە لێبڕینەوە دابەش دەکرێت.

 

دەشڵێت، بۆیە ئەرکی ئەخلاقی سەرشانی هەموومانە هەڵوێستمان هەبێت لە پێناو خەڵکی خۆماندا، لە پێناو داهاتوویەکی باشتر، تکایە ئیتر قبوڵکردنی زوڵم بەسە، ئەمە دەبێت کار و داواکاری هەموو لایەک و هەموو کەسێک بێت، نەک داواکاری تەنها هێزێک یاخود تەنها کەسێک.