گه‌ڕان

Shadow Shadow
سیاسه‌تی

’’چوار لایەن یەک بۆچونیان دەبێت’’

یەکێتى: هاوپەیمانى لەگەڵ گۆڕان شەڕە پەڕۆ و بەردبارانکردنى بارەگا ناهێڵێت

2021.05.23 - 17:48
App store icon Play store icon Play store icon
یەکێتى: هاوپەیمانى لەگەڵ گۆڕان شەڕە پەڕۆ و بەردبارانکردنى بارەگا ناهێڵێت

ناس کورد-

 

ئەندامێکى سەرکردایەتى یەکێتى رایگەیاند، بە هاوپەیمانیان لەگەڵ گۆڕان شەڕە پەڕۆ و بەردبارانکردنى بارەگاکان کۆتایی دێت و لەخولى داهاتووى پەرلەمان چوار لایەن یەک بیروبۆچونیان دەبێت لەسەر پرسەکان.

کەناڵی ناس کورد لە تێلیگرام جۆین بکە   

 

لەتیف نێروەیی ئەمڕۆ یەکشەممە لە لێدوانێکیدا بۆ تەلەفزیۆنى فەرمى حزبەکەى ئاماژەى بەوەکرد، هاوپەیمانى یەکێتى و گۆڕان کەشێکى ئارام دەخوڵقێنێت لەدەڤەرى سەوز، لەجیاتى شەڕ پەڕڕۆ و بەردبارانکردنى بارەگاکان.

 

وتیشى "جگە لەو هاوپەیمانییە یەکێتى لەگەڵ دوو لایەنى دیکە لێکتێگەیشتنى هەیە کە هەمویان لەبەغدا فراکسیۆنیان هەیە، بەوەش لەکۆى ئەو شەش لایەنە کوردییەى لەپەرلەمان فراکسیۆنیان هەیە، چوار لایەن یەک بۆچونیان دەبێت لەسەر پرسەکان".

 

بۆ هەڵبژاردنى پێشوەختەى پەرلەمانى عێراق یەکێتى و گۆڕان بەهاوپەیمانى کوردستان بەشدارى دەکەن کە لەلایەن لاهور شێخ جەنگى هاوسەرۆکى یەکێتى یەوە سەرۆکایەتى دەکرێت.

 

یەکێتى هەروەها لەسەر ئاستى بازنە جیاجیاکان لێتێگەیشتنى لەگەڵ کۆمەڵ و یەکگرتوو هەیە بەجۆرێک هەندێ بازنەیان بۆ یەکترى چۆڵکردووە بۆ ئەوەى کورسى مسۆگەر بکەن.