گه‌ڕان

Shadow Shadow
سیاسه‌تی

وردەکاریى

سعودیە تەمەنى ئەنجامدەرانى حەجى ئەمساڵى دیارى کرد 

2021.05.23 - 16:53
App store icon Play store icon Play store icon
سعودیە تەمەنى ئەنجامدەرانى حەجى ئەمساڵى دیارى کرد 

ناس کورد- 

بەرپرسێکى باڵاى سعودییە ئاشکراى کرد، بەهۆى بارودۆخى پەتاى کۆرۆناوە سعودییە تەمەنى ئەنجامدەرانى حەجى ئەمساڵى دیارى کردووە. 

 

کەناڵی ناس کورد لە تێلیگرام جۆین بکە   

 

عەلى مانستەرلى، ئەندامى ئەنجومەنى بەڕێوەبردنى ژورى کۆمپانیا گەشتیارەکانى سعودییە (23ى ئایارى 2021) لەمیانەى بەشداریکردنى لەبەرنامەیەکى تەلەفزیۆنیدا ڕایگەیاند، بۆ ئەمساڵ سعودیە تەمەنى ئەو حاجیانەى دیاریکردووە کە حەج دەکەن لە 18 ساڵ کەمتر نەبن و هەروەها لە 60 ساڵیش گەورەتر نەبن، ئەوە جگە لەوەى ڤاکسینێکى دژە کۆرۆنایان وەرگرتبێت لەلایەن تەندروستى جیهانیەوە دانپێدانراوبێت.

 

دەشڵێت، سعودییە چەند ڕێوشوێنێکى بۆ حەجکردنى ئەمساڵ داناوە لەوانە وەرگرتنى هەردوو ژەمى ڤاکسینى دژە کۆرۆنا هەفتەیەک پێش گەشتکردن.

 

ئاماژەى بۆ ئەوەش کردووە، سعودیە بۆ ئەو گەشتیارانەى کە بۆ بەڕێکردنى فەریزەى حەج ڕوودەکەنە وڵاتەکەى ئەنجامدانى پشکنینى جۆرى PCR بەسەر هەمویاندا دەسەپێنێت پێش گەشتەکەیان ئەوە سەربارى کوتینى ڤاکسین و لەکاتى گەیشتنیشیان بەسعودیە دیسانەوە پشکنینى PCR یان بۆ ئەنجام دەدرێت و دواتر بۆ ماوەى 3 ڕۆژ لەهوتێلەکاندا پێش ئەنجامدانى فەریزەکەیان کەرەنتینە دەکرێن.