گه‌ڕان

Shadow Shadow
سیاسه‌تی

مەسرور بارزانی بودجەیەکی بۆ پاراستنی سەوزاییەکانی سلێمانی تەرخان کرد

2021.05.23 - 12:52
App store icon Play store icon Play store icon
مەسرور بارزانی بودجەیەکی بۆ پاراستنی سەوزاییەکانی سلێمانی تەرخان کرد

ناس کورد-

مەسرور بارزانی، سەرۆکی حکومەتی هەرێمی کوردستان دابینکردنی بودجەیەکی بە بڕی زیاتر لە پێنج ملیار دینار بۆ سلێمانی ڕاگەیاند و وتی، "دەمەوێت لێرەوە ئەوە بە خەڵکی خۆشەویستی شاری سلێمانی بڵێم کە ئەو بڕە پارەیە دابین دەکەین."

کەناڵی ناس کورد لە تێلیگرام جۆین بکە   

 

سەرۆکی حکومەتی هەرێم لە میانەی دانانی بەردی بناغەی پڕۆژەی "بە بازاڕکردنی گەنمی جوتیاران" لە شاری سلێمانی (یەکشەممە 23ی ئایاری 2021) ڕایگەیاند، "لەڕێگەی وەزارەتی شارەوانییەوە داواکارییەکم پێگەیشتووە بۆ دابینکردنی بڕێک پارە بۆ بەڕێوەبردن و چاکسازی لەو سەوزاییانەی لە پارکی هەواری شار و شەقامی بازنەی مەلیک مەحمود و شەقامی سلێمانی – تاسڵوجە هەیە."

 

وتیشی، "لێرەوە دەمەوێت بە خەڵکی خۆشەویستی شاری سلێمانی بڵێم کە ئێمە ئەو بودجەیە دابین دەکەین کە بڕەکەی پێنج ملیار و 700 ملیۆن دینارە، بۆ ئەوەی بکەوێتە خزمەتی خەڵکی خۆشەویستی شاری سلێمانییەوە."

 

ئەوەش لەکاتێکدایە، ماوەیەکە ڕێکخراوەکانی ژینگە و چالاکوانان ڕەخەنەی ئەوە دەگرن کە سەوزاییەکانی شەقامەکانی سلێمانی خزمەت ناکرێن و لە هاویناندا زۆربەیان زەرد دەبن.