گه‌ڕان

Shadow Shadow
سیاسه‌تی

بەپەلە

پاراستن لەبارەی دەنگۆی هەوڵی ژەهرخواردکردنی چەند کەسێکی هەرکی ڕوونکردنەوە دەدات

2021.05.22 - 22:56
App store icon Play store icon Play store icon
پاراستن لەبارەی دەنگۆی هەوڵی ژەهرخواردکردنی چەند کەسێکی هەرکی ڕوونکردنەوە دەدات

ناس کورد-

 ئاژانسی پاراستن لەبارەی دەنگۆی هەوڵی ژەهرخواردکردنی چەند کەسێک ڕوونکردنەوەیەکی بڵاوکردەوە و ڕایگەیاند، وێڕای ئەوەی سەرلەبەری ئەو چەواشەكارییە رەتدەكەنەوە، جەختیش لەوە دەكەنەوە كە هۆنینەوەی درۆی شاخداری لەوشێوەیە ئەوپەڕی نابەرپرسیارەتی ئەو كەس و لایەنانە نیشان دەدات.

کەناڵی ناس کورد لە تێلیگرام جۆین بکە   

 

پاراستن لە ڕاگەیەنراوەکەدا ئاماژەی بەوەکردووە، " میدیای سەر بە لاهور جەنگی بە بڵاوكردنەوەی ئەو درۆ بێبنەمایانە، بەنیازە سۆزی هۆزی هەركی بۆ لای خۆیان رابكێشن و بۆ هەڵبژاردنەكان چەند دەنگێك بەدەست بهێنن."

 

 

ده‌قی روونكردنه‌وه‌كه‌ی ئاژانسی پاراستن:

 

لە چەند سایت و پەیجێكی سەر بە لاهور جەنگی بابەتێكی چەواشەكارانە، بەپێی سناریۆیەکی بێ بنەما بڵاو كراوەتەوە، كە گوایە هەوڵی ژەهرخواردنكردنی چەند كەسێك دراوە و لەكاتی داڕشتنی هەواڵەكەیاندا ناوی ئاژانسی پاراستنیشیان هێناوە.

 

وێڕای ئەوەی سەرلەبەری ئەو چەواشەكارییە ڕەتدەكەینەوە، جەختیش لەوە دەكەینەوە كە هۆنینەوەی درۆی شاخداری لەمشێوەیە ئەوپەڕی نابەرپرسیارەتی ئەو كەس و لایەنانە نیشان دەدات، كە لەپشتەوەی بڵاوكردنەوەی ئەو جۆرە ناڕاستی و چەواشەكارییانەن.

 

بۆ هەموو لایەك ئاشكرایە، كە جەماوەری سەربەرزی هۆزی هەركی، بە پەیوەندیكردنی جەوهەر هەركی بە تاقمی خیانەتكاری شازدەی ئۆكتۆبەر، نیگەران بوون و لە بەرانبەر ئەوەشدا، میدیای سەر بە لاهور بە بڵاوكردنەوەی ئەو درۆ بێبنەمایانە، بەنیازە سۆزی هۆزی هەركی بۆ لای خۆیان رابكێشن و بۆ هەڵبژاردنەكان چەند دەنگێكیان بەدەست بێنن.

 

لەسەر ئەو ناوزڕاندنەی میدیاكانی تاقمی شازدەی ئۆكتۆبەر، بە مافی خۆمان دەزانین داوای یاسایی لەسەر ئەو كەسانە تۆمار بكەین، كە لە پشتەوەی بڵاوكردنەوەی ئەو جۆرە بابەتەن و داواش دەكەین لێكۆڵینەوەیەكی دادپەروەرانە لەژێر سەرپەرشتیی پەرلەمان و نوێنەری رێکخراوی نەتەوە یەکگرتووەکان ئەنجام بدرێت و كۆی ئەو چەواشەكارییە بۆ گشت لایەك ئاشكرا بكرێت.

 

ئاژانسی پاراستن