گه‌ڕان

Shadow Shadow
سیاسه‌تی

وردەکاریی

ساڵى 2020 لە هەر چرکەیەکدا کەسێک بە ناچاری ماڵەکەی جێهێشتووە

2021.05.21 - 21:39
App store icon Play store icon Play store icon
ساڵى 2020 لە هەر چرکەیەکدا کەسێک بە ناچاری ماڵەکەی جێهێشتووە

ناس کورد- 

دوو ڕێکخراوى تایبەتمەندى نێودەوڵەتى ئاشکرایان کرد، بەهۆى شەڕ و ناکۆکی و کارەساتە سروشتییەکانەوە میلۆنەها هاووڵاتى لەساڵى 2020 ناچار بوون ماڵەکانیان بەجێبهڵن و ژمارەیەکەش ئاستى پێوانەیى تێپەڕاندووە، بەشێوەیەک لە هەر چرکەیەکدا کەسێک ئاوارە بووە. 



کەناڵی ناس کورد لە تێلیگرام جۆین بکە   

 

بەپێى ڕاپۆرتێکى هاوبەشى ناوەندى چاودێریکردنى ئاوارە ناوخۆییەکان و ئەنجومەنى نەرویجى بۆ کاروبارى پەنابەران، ئەوە ئاشکرا کراوە، ساڵى ڕابردوو بەهۆى ناکۆکى و شەڕ و توندوتیژییەوە ژمارەى ئەو کەسانەی کە ناچاربوون ئاوارە ببن لەناو خۆى وڵاتەکەیاندا لە 40 ملیۆنەوە بۆ 55 ملیۆن زیادى کردووە.

 

ئەلیکساندرا بیلاک، بەڕێوەبەرى ناوەندى چاودێرى  ناوخۆى ڕایگەیاندووە، ژمارەکە بۆ ئەمساڵ زیاتر بەرزبووەتەوە بەشێوەیەک ژمارەى ئاوارە ناوخۆییەکان پێشتر هێندەى تێنەپەڕاندووە.

 

بیلاک باسى لەوەشکردووە، ژمارە ڕاستەقینەکان ڕەنگە لەوەش زیاتربن، چونکە  بەهۆى گرتنەبەرى ڕێوشوێنەکانى پەتاى کۆرۆناوە ئامارێکى وردتر نەکرابێت.

 

لاى خۆشیەوە، یان ئیگلاند، سەرۆکى ئەنجومەنى کۆمەڵەى نەرویجى ڕایگەیاندووە، ساڵى 2020، لە هەر چرکەیەکدا کەسێک ئاوارە بووە و ناچار بووە ماڵەکەی بەجێبهڵێت.

 

ئاماژەى بۆ ئەوەش کردووە، شکستیان هێناوە لەپاراستنى ئەو هاووڵاتیانەش کە زیاتر دووچارى مەترسییەکانى شەڕ و ناکۆکى و کارەساتە سروشتییەکان دەبنەوە.