گه‌ڕان

Shadow Shadow
سیاسه‌تی

زانیاریی زیاتر

پێشەوا هەورامانی بۆ عەلی حەمە ساڵح: لە سەرۆک فراکسیۆنی لادراوی

2021.05.21 - 19:50
App store icon Play store icon Play store icon
پێشەوا هەورامانی بۆ عەلی حەمە ساڵح: لە سەرۆک فراکسیۆنی لادراوی

ناس کورد-

وتەبێژی فراکسیۆنی پارتی لە پەرلەمانی کوردستان پەیامێکی ئاڕاستەی عەلی حەمەساڵح کرد و ڕایگەیاند، لە سەرۆک فراکسیۆنی حزبەکەی خۆی لادراوە و لەنێو حزبەکەشی گوێی لێناگیرێت، دەشڵێت، ئەو دژایەتییە بەتاڵەی پارتی هەموو کات بێ ئاکام بووە.

کەناڵی ناس کورد لە تێلیگرام جۆین بکە   

 

ئەمڕۆ هەینی 21ی ئایاری 2021، عەلی حەمەساڵح، پەرلەمانتاری گۆڕان لە پەرلەمانی کوردستان لە نوسینێکی کورتدا ڕایگەیاند، " ئەوانەی پێیانوایە کاک نەوشیروان کۆچی کردووەو وەک 2009 دەستور لە پەرلەمان بەدڵی پارتی تێدەپەڕێت، بزانن ئێمە ھێشتا لە پەرلەمانین و ھەرگیز ڕێگا بەوە نادەین."

 

لە وەڵامی عەلی حەمەساڵحدا، لە ڕاگەیەنراوێکدا پێشەوا هەورامانی، وتەبێژی فراکسیۆنی پارتی ڕایگەیاند، "بەتاق و تەنها پەرلەمانتارێک کە پێشتر لە سەرۆک فراکسیۆنی حزبەکەی خۆی لادراوە، بە چ حەقێک دێت و دەڵێت، ناهێڵین دەستوور تێپەڕێت بەدڵی پارتی، وەک ئەوەی ئەو خاوەنی 45 کورسی پەرلەمانی بێت."

 

ئاماژەی بەوەشکردووە، "ئەم جۆرە قسانە و ئەم دژایەتییە بەتاڵەی پارتی هەموو کات بێ ئاکام بووە، بەتایبەت بۆ کەسێک نە لەنێو فراکسیۆنەکەی نە لەنێو حزبەکەی گوێ لێگیراو بێت."

 

ئەوەشی خستووەتەڕوو، "سەرەڕای ئەمەش دەستوور موڵکی پارتی و هیچ لایەنێکی دیکەش نییە، دەستوور بۆ هەموو خەڵکی کوردستانە و پارتی زۆرینەی خۆی ئیستیغلال ناکات بۆ هیچ پرسێک کە پەیوەندی بە هەموو خەڵکی کوردستانەوە هەیە."