گه‌ڕان

Shadow Shadow
سیاسه‌تی

زانیاریی زیاتر

دەستەی دەروازە سنورییەکان گەندەڵییەکی ئاشکراکرد و ملیۆنان دیناری بۆ حکومەت گەڕاندەوە

2021.05.20 - 22:04
App store icon Play store icon Play store icon
دەستەی دەروازە سنورییەکان گەندەڵییەکی ئاشکراکرد و ملیۆنان دیناری بۆ حکومەت گەڕاندەوە

ناس کورد-

دەستەی دەروازە سنورییەکانی عێراق ڕایگەیاند، توانیویانە ڕێگری بکەن لە بەهەردانی 26 ملیۆن دینار و دوو مامەڵەی نایاساییان لە دەروازەی ئوم قەسر ئاشکرا کردووە.

کەناڵی ناس کورد لە تێلیگرام جۆین بکە   

 

 لە ڕاگەیەنراوێکدا کە وێنەیەکی دەست "ناس کورد" کەوتووە، دەستەکە (پێنجشەممە 20ی ئایاری 2021) ڕایگەیاند، "بە پشت بەستن بە زانیاریی کۆکراوەکان لە بەندەری ئوم قەسر توانرا بە بەهای 26 ملیۆن دینار بەفیڕۆدانی داهاتی گشتیی ڕابگیرێت."

 

ئاماژەی بەوەشکردووە، "ئەویش دوای دەستگرتن بەسەر دوو مامەڵەی دوو کۆمپانیادا کە ناوەڕۆکەکانیان دەستکاری کراون بە جۆرێک کە لە پێدانی باجی گومرگی خۆیان دزیوەتەوە."

 

ئەوەشخراوەتەڕوو، کارەکەیان بۆ ڕێگریکردنە لە بەهەردانی سامانی گشتی و لێکۆڵینەوەش لەسەر ئەو کەسانە دەستیپێکردووە کە بەرپرسیارن لەو کارە.

 

دەستەکە جەختیشیکردووەتەوە، بەردەوام دەبن لە چاودێری و بەدواداچوونەکانیان و ڕێگری لە هەرکەسێک دەکەن کە کاری نایاسایی بکات.