گه‌ڕان

Shadow Shadow
سیاسه‌تی

وردەکاریى

ماکرۆن سەبارەت بە بارودۆخى کۆرۆنا: ئەنجامماندا

2021.05.19 - 21:44
App store icon Play store icon Play store icon
ماکرۆن سەبارەت بە بارودۆخى کۆرۆنا: ئەنجامماندا

ناس کورد-

سەرۆکى فەرەنسا وێنەیەکى خۆى بڵاوکردەوە کە لە قاوەخانەیەکى پاریسى پایتەختى وڵاتەکەى دانیشتووە و قاوە دەخواتەوە و لەسەرى نوسیویەتى "ئەنجامماندا"، وەک ئاماژەیەک بۆ سوککردنى کۆت و بەندەکانى کۆرۆنا.

 

کەناڵی ناس کورد لە تێلیگرام جۆین بکە   

 

ئیمانوێل ماکرۆن چوارشەممە (19ى ئایارى 2021) لە تویتەر وێنەیەکى بڵاوکردەوە کە لەگەڵ کەسێکى تردا لە قاوەخانەیەک دانیشتووە و قاوە دەخواتەوە.

 

ماکرۆن لەگەڵ وێنەکەدا نوسیویەتى "ئەنجامماندا"، ئەوەش وەک ئاماژەیەک بۆ سوککردنى کۆت و بەندەکانى تایبەت بە کۆنترۆڵکردنى پەتاى کۆرۆنا لە فەرەنسا.

 

حکومەتى فەرەنسا بڕیاریداوە بە سوککردنى کۆت و بەندەکان و مۆڵ و شوێنە بازرگانى و گەشتییەکان دەستیان کردووە بە کردنەوە و پێشوازیکردن لە کڕیاران و میوانان، لەمڕۆ چوارشەممەشەوە هەنگاو بەهەنگاو کردنەوەکە دەستپێدەکات و فەرەنسییەکان بەشێک لە ئازادییەکەیان بەدەستدەهێننەوە.

 

کردنەوەى شوێنە گشتییەکان سنوردارە و پێویستە ژمارەیەکى دیاریکراو کڕیار و سەردانیکەر وەربگرن، ئەوەش یەکەمجارە لە کۆتایى مانگى 10ى رابردوەوە ڕوبدات، لە 9ى حوزەیرانەوە قاوەخانە و ڕێستورانتەکان دەتوانن پێشوازى لە کڕیاران بکەن و لە 30ى هەمان مانگیشدا قەدەغەى هاتووچۆ بەتەواوەتى هەڵدەگیرێت، بەمەرجێک ئەگەر ژمارەى توشبووانى کۆرۆنا بەردەوام بوو لە کەمبوونەوە.